Дэлхийн гэр бүлийн өдрийг угтаж тус хэлтэс Чингэлтэй дүүргийн 10 дугаар хороонд бүртгүүлэхээр ирсэн залуу хосуудын гэрлэлтийг баталж, гэрчилгээг ёслол хүндэтгэлтэйгээр гардуулан өглөө.

Мөн тус өдөр гэр бүлийн радиогийн зүгээс хосуудыг болоод холбогдох эрх бүхий зочдыг радиогийн тусгай нэвтрүүлэгт урьж оролцуулав. Нэвтрүүлгийн эхэнд тус радиогийн ерөнхий захирал Т.Батжаргал залуу хосууд, гэр бүлийнхэнд хандан олон улсын гэр бүлийн баярын мэндчилгээ дэвшүүлж, “Салалт шийдэл биш” гэр бүлийн зорилтод нэвтрүүлэг жилийн хугацаанд гэр бүлийн олон асуудлыг хөндөж, зөвлөгөө өгч улмаар тодорхой үр дүнд хүрч чадсан. Төрийн болон хувийн хэвшлийн олон байгууллагуудтай хамртан ажиллаж байна гэлээ. Тус арга хэмжээнд гэр бүлийн радиогийн ерөнхий захирал, Ариун бичээс нийгэмлэгийн ажилтан н.Дүгэрмаа болон гэрлэлтээ батлуулсан залуу хосууд бусад албаны хүмүүс оролцож, гэр бүлийн үнэ цэнийн талаар сонирхолтой яриа өрнүүлж, сонсогчидтой утсаар шууд холбогдож тэдний сонирхсон асуултанд хариулсан юм. Эцэст нь гэр бүлийн радиогийн хамт олон хосуудад бэлэг, дурсгалын зүйлс гардуулан өгч, залуу хосууд ч Хайрын андгай тангараг өргөв. Чингэлтэй дүүргийн бүртгэлийн хэлтэс нь Гэр бүлийн радио 104.5-тай өнгөрсөн оны 12 дугаар сараас эхлэн хамтран ажиллаж байна.