Улсын бүртгэлийн ерөнхий газрын удирдлагууд өнөөдөр энэхүү албанд залуу нас, мэдлэг боловсрол, авъяас чадвараа харамгүй зориулсан ахмад буурлуудаа хүлээн авч уулзан, хүндэтгэл үзүүллээ.

Энэ үеэр тус газрын дарга ахмадуудынхаа санаа бодлыг сонсож, ярилцан бүртгэлийн байгууллагын цаашдын хөгжилд ахмад буурлуудын маань байр суурь хамгаас чухал гэдгийг онцлон хэлээд эрүүл энх байж, урт удаан наслахыг ерөөгөөд цагаан сарын гарын бэлгээ гардууллаа. Ахмадууд ч энэ үеэр жил бүр уламжлал болгон хүлээж авдагт баярлаж явдагаа илэрхийлээд бид залуу хойч үеийн залгамж халаа болсон та бүхэнтэйгээ хамт хүчин зүтгэхэд бэлэн байгаа гэдгээ уламжилсан юм. Уулзалтад тус газрын Тамгын газрын дарга С.Алтангэрэл, Нийслэлийн Улсын бүртгэлийн газрын даргын үүргийг түр орлон гүйцэтгэгч О.Баттөмөр болон бусад удирдлагуудаас гадна бүртгэлийн салбарт ажиллаж хөдөлмөрлөж явсан ахмадууд уригдан оролцов.