Монгол Улсын 3 сая дахь иргэн Мэргэн овгийн Хатанболдын Монголжин охиныг энэ сарын 29-ны өдрийн морь цагт Өмнөговь аймгийн Даланзадгад сумын Улсын бүртгэгч Б.Должинсүрэн Монгол Улсын иргэний улсын бүртгэлд бүртгэж, төрсний гэрчилгээг тус аймгийн Улсын бүртгэлийн хэлтсийн дарга Ч.Энхмөнх Х.Монголжин охины аавд албан ёсоор гардуулан өгч баяр хүргэлээ.

Х.Монголжин охины төрсний бүртгэлийн дугаарын сүүлийн хоёр орон 44, регистрийн дугаарын сүүлийн гурван орон 444, төрсний гэрчилгээний сүүлийн хоёр орон 44 дугаар таарсан нь Монгол Улсын 4 сая дахь иргэнийг билэгшээсэн сайхан үйл явдал боллоо. Эргэн санахад Монгол Улсын 3 сая дахь иргэн Өмнөговь аймгийн Бүсийн оношилогоо эмчилгээний төвийн төрөх тасагт 2015 оны 01 дүгээр сарын 24-ны өдрийн 08 цаг 27 сек 25 доль цагт 3.5 кг жинтэй, 50 см өндөртэй охин мэндэлж, охины аав Х.Хатанболдын хүсэлтээр Монгол Улсын Ерөнхийлөгч Монголжин нэрийг өгсөн юм. Монгол Улсын 3 сая дахь иргэний аав Энхтүвшингийн Хатанболд нь Өмнөговь аймгийн Ханхонгор, ээж Ганбатын Аззаяа нь Мандал-Овоо сумын уугуул иргэд бөгөөд тэд 2012 онд гэр бүл болж, 2014 онд гэрлэлтээ албан ёсоор бүртгүүлсэн билээ. Залуу гэр бүлд эрүүл энх, сайн сайхан бүхнийг хүсэн ерөөе.