Сонгино-хайрхан дүүргийн бүртгэлийн хэлтсээс хороодын хэсгийн ахлагч, улсын бүртгэгч нарт улсын бүртгэлийн хууль тогтоомж болон иргэн, эд хөрөнгийн эрхийн бүртгэлийн талаар нэгдсэн ойлголт өгөх зорилгоор энэ сарын 27-ны өдөр СХД-ийн Засаг даргын Тамгын газрын байранд сургалт зохион байгууллаа.

Сургалтыг СХД-ийн Улсын бүртгэлийн хэлтсийн дарга Ө.Өнөрлхам нээж үг хэлээд, бүртгэлийн байгууллагаас хэрэгжүүлж байгаа өнөөгийн болон цаашдын хийх ажлуудын талаар мэдээлэл өгч, товч танилцуулав. Сургалтаар улсын бүртгэлийн ерөнхий хууль, иргэний бүртгэл, эд хөрөнгийн эрхийн бүртгэлийн тухай хууль болон гэр бүлийн байдлын 8 төрлийн бүртгэлийн чиглэлээр улсын бүртгэгч Ө.Манжил, Эд хөрөнгийн эрхийн бүртгэлийн тасгийн дарга Г.Цолмон нар хичээлийг заан явуулсан юм. Дээрх сургалтанд “Баянхошуу” бүсийн 7, 8, 9, 10, 11, 24, 25, 28 дугаар хороодын хэсгийн ахлагч нар болон хороодын улсын бүртгэгч нийт 60 хүн хамрагдлаа. Цаашид тус хэлтсээс хороодын улсын бүртгэгч нар, хэсгийн ахлагч нарыг илүү чадавхижуулах, мэдлэг олгох зорилгоор уг сургалтыг тогтмол зохион байгуулахаар төлөвлөөд байна.