Улсын бүртгэлийн ерөнхий газраас “Бүртгэлийн ажилтны өдөр”-ийг угтаж зохион байгуулсан урлагийн тоглолт амжилттай болж "ШИЛДЭГ"-үүдээ шалгарууллаа. Уг тэмцээн Зохиолын дуу, Эстрад дуу, Ардын дуу, Дуэт дуу, Бүжиг, Хөгжим, Уран уншлага, Ардын язгуур урлагийн нийт 8 төрлөөр явагдаж 8 баг оролцлоо.

Тэмцээний эстрадын шилдэг гоцлол дуучнаар Тамгын газрын МССГХХ-ийн ахлах мэргэжилтэн Ч.Нямцэцэг, ардын шилдэг гоцлол дуучнаар ХШҮДАХ-ийн мэргэжилтэн Э.Зоригоо, нийтийн шилдэг гоцлол дуучнаар Улсын бүртгэлийн төв архивын газрын ажилтан Г.Энхбаатар, дуэт шилдэг дуучнаар Иргэний бүртгэлийн газар А.Энхээ, Б.Отгонбаатар нар тус тус шалгарсан юм. Мөн Бүртгэлийн хяналтын газрын улсын байцаагч Х.Нандинэрдэнэ гоцлол бүжигчнээр, уран уншлагаар Улсын бүртгэлийн төв архивын газрын ажилтан Б.Бүрэнмэнд, язгуур урлагийн төрөлд Иргэний бүртгэлийн газар Б.Отгонбаатар, гоцлол хөгжимчнөөр Эд хөрөнгийн эрхийн бүртгэлийн газар С.Оюун-Эрдэнэ нар тус тус шилдгээр шалгарлаа. Тэгвэл тэмцээний багийн ерөнхий нийт дүнгээр Иргэний бүртгэлийн газар бусад газруудаа манлайлж Тэргүүн байрыг эзэллээ. Улсын бүртгэлийн ерөнхий газрын нийт албан хаагчдын чөлөөт цагийг зөв боловсон өнгөрүүлэх, тэдгээрийн урлаг, уран сайхны мэдлэг боловсролыг хөгжүүлэх, оролцогчдын дундаас урлагийн өндөр авъяас чадвартай албан хаагч, газар, хэлтсийг тодруулан алдаршуулж, шагнаж урамшуулах зорилго бүхий урлагийн арга хэмжээ ийнхүү амжилттай болж өндөрлөлөө. Дашрамд дурдахад төв, орон нутгаас шалгарсан шилдэг авъяастнуудын нэгдсэн Гала концерт ирэх сард Улаанбаатар хотноо болох юм.