Монголын хуульчдын өдөр өнгөрөгч Баасан гарагт Хууль зүйн Үндэсний хүрээлэнгийн урд талбайд боллоо.Тус өдөр Улсын бүртгэлийн ерөнхий газар иргэдэд үндсэн үйл ажилагааныхаа талаар мэдээлэл зөвлөгөө өгөхөөс гадна зарим төрлийн үйлчилгээ үзүүлж, иргэдийн санал хүсэлтийг хүлээн авч ажиллав.

Мөн энэ үеэр иргэдэд улсын бүртгэлийн талаарх ном товхимол, гарын авлага зэргийг тарааж улсын бүртгэлийн хууль тогтоомж, хэрэгжилтийг сурталчиллаа. “ХУУЛЬЧДЫН ӨДӨР -нээлттэй өдөрлөг”-т Яамны харъяа Хил хамгаалах ерөнхий газар, Цагдаагийн ерөнхий газар, Шүүхийн шийдвэр гүйцэтгэх ерөнхий газар, Архивын ерөнхий газар, Иргэний харьяалал, шилжилт хөдөлгөөний ерөнхий газар, Тахарын ерөнхий газар, Хууль зүйн үндэсний хүрээлэн, Хууль зүйн туслалцааны төв зэрэг байгууллагууд оролцлоо. Дээрх байгууллагууд энэ өдөр олон нийтийн санал хүсэлтийг хүлээн авч эргэх холбоог сайжруулах зорилгоор хууль зүйн салбарын шинэтгэл болон өнөөгийн байдлын талаар олон нийтэд мэдээлэх, эрх зүйн хүрээнд хэрэгжиж буй ажлыг иргэдэд хүргэж ажилласан юм.