Улсын бүртгэлийн ерөнхий газрын даргын 2014 оны 03 дугаар сарын 17-ны өдрийн 309 дүгээр тушаалаар батлан гарсан Улсын бүртгэлийн ерөнхий газрын “Хүний нөөцийн хөгжлийн хөтөлбөр” /2014-2016/ бодлогын баримт бичгийн наймдугаар зорилтын хүрээнд бүртгэлийн байгууллагын нийт албан хаагчдын дунд “ЭКОЛОГИЙН КЛУБ”-ыг албан ёсоор нээн ажиллуулахаар зорьж байна.

Энэхүү клубт тус байгууллагад ажилладаг ямар ч түвшний албан хаагч хамрагдаж болох бөгөөд Улсын бүртгэлийн ерөнхий газрын албан хаагчдын хамт олонч уур амьсгалыг бүрдүүлэх, амралт чөлөөт цагийг зөв боловсон өнгөрүүлэх, ажиллагсад хоорондын харилцааг дэмжих, харилцан ойлголцох нөхцөл байдлыг бүрдүүлэх, хамтын ажиллагааны дэвшилтэт арга барил, арга хэрэгсэл бий болгох хэрэгжүүлэх, Эх орон, байгаль дэлхийгээ хайрлаж, уламжлалт монгол зан заншлаа дээдэлж, хүн бүр байгалиа нөхөн сэргээх, хамгаалахад гар бие оролцох нөхцлийг бүрдүүлэх, ойн сан, ногоон байгууламжийг нэмэгдүүлэх чиглэлээр хэрэгжүүлж байгаа олон талт ажлуудыг дэмжих, мөн үйл ажиллагааны хүрээнд байгаль экологийн тэнцвэрт байдлыг бүрдүүлэх, хадгалахад гишүүдийн хувь нэмрийг оруулах, албан хаагчдад экологийн боловсрол олгоход тус клубын гол зорилго оршино.

Улмаар тус клуб нь Монгол Улсын Ерөнхийлөгчийн 2010 оны 04 сарын 14-ний өдрийн “Мод тарих үндэсний өдөр зарлах тухай” 63 дугаар зарлигийг дэмжиж байгаль орчноо хамгаалах, экологийн тэнцвэрт байдлыг хадгалах үүднээс мод тарих, хотоо зүлэгжүүлэх зорилгоор нийслэлийн ногоон байгууламжид мод тарих ажлыг эхний ээлжинд зохион байгуулахаар төлөвлөж байна.

Иймд “ЭКОЛОГИЙН КЛУБ”-ын гишүүн болох хүсэлтэй албан хаагчид төв байрны 208 тоот “Хүний нөөц”-ийн өрөөнд өөрийн биеэр болон This email address is being protected from spambots. You need JavaScript enabled to view it. хаягаар бүртгүүлэн идэвхитэй нэгдэнэ үү. Дэлгэрэнгүй мэдээллийг 321242 утаснаас лавлана уу.

УЛСЫН БҮРТГЭЛИЙН ЕРӨНХИЙ ГАЗРЫН ДЭРГЭДЭХ