Улсын бүртгэлийн байгууллагын удирдах ажилтны ээлжит нэгдсэн сургалт, зөвлөгөөн энэ сарын 26-28-ны өдрүүдэд Улаанбаатар хотноо болох бөгөөд зөвлөгөөний нээлт 26-ний өдрийн 09.00 цагт Корпорэйт зочид буудалд болно.

Сургалт, зөвлөгөөнөөр уламжлал ёсоор өнгөрсөн онд гүйцэтгэсэн ажил болон өнөөгийн үйл ажиллагааны алдаа, оноог дүгнэн хэлэлцэхийн зэрэгцээ цаашид хийх ажлын талаар санал бодлоо солилцоно. Мөн удирдах ажилтнууд 2013 оны ажлын үр дүнгийн гэрээгээ дүгнүүлж, 2014 оны үр дүнгийн гэрээ байгуулах юм.