Улсын бүртгэлийн байгууллага үүсч хөгжсөний 73 жилийн ойн, “Улсын бүртгэлийн ажилтны өдөр”-ийг угтаж системийн хэмжээнд анх удаа зохион байгуулсан спортын аварга шалгаруулах тэмцээн энэ сарын 16-17-ны өдрүүдэд Улаанбаатар хотноо амжилттай болж өндөрлөлөө.
Тус газрын нийт албан хаагчдын бие бялдарыг хөгжүүлэх, эрүүл мэнд, идэвхитэй хөдөлгөөнд олон нийтийг хамруулах, байгууллагын харилцаа, хамтын ажиллагааг сайжруулах зорилготой тус тэмцээнд нийт 22 багийн 150 гаруй тамирчин сагсан бөмбөг, волейболын шилжин явах цомын төлөө хоёр хоногийн турш хурд, хүч авхаалж самбаагаа сорин тоглосон нь тэмцээнийг сонирхолтой, хөгжөөнтэй, өрсөлдөөнтэй болгов.
Тэмцээнд дээрх төрлөөр нийт эрэгтэй 16, эмэгтэй 16 багууд хүчтэй өрсөлдсөнөөс:
Сагсан бөмбөг /эрэгтэй/
Алтан медаль: УБЕГ-ын Мэдээллийн технологийн газар
Мөнгөн медаль: УБЕГ-ын Хуулийн этгээдийн бүртгэлийн газар
Хүрэл медаль: Баян-Өлгийн аймгийн Улсын бүртгэлийн хэлтэс
Сагсан бөмбөг:/эмэгтэй/
Алтан медаль: Хэнтий аймгийн Улсын бүртгэлийн хэлтэс
Мөнгөн медаль: Өмнөговь аймгийн Улсын бүртгэлийн хэлтэс
Хүрэл медаль: Завхан аймгийн Улсын бүртгэлийн хэлтэс
Волейбол:/эмэгтэй/
Алтан медаль: Өмнөговь аймгийн Улсын бүртгэлийн хэлтэс
Мөнгөн медаль: Завхан аймгийн Улсын бүртгэлийн хэлтэс
Хүрэл медаль: Дундговь аймгийн Улсын бүртгэлийн хэлтэс
Волейбол:/эрэгтэй/
Алтан медаль: Ховд аймгийн Улсын бүртгэлийн хэлтэс
Мөнгөн медаль: Булган аймгийн Улсын бүртгэлийн хэлтэс
Хүрэл медаль: УБЕГ-ын Иргэний бүртгэлийн газар
Тус тэмцээнээс Өмнөговь, Завхан аймгийн Улсын бүртгэлийн хэлтсийн баг тамирчид хос медаль өвөртөлж чадсан бол багийн нийт дүнгээр мөн Өмнөговь болон Булган аймгийн баг тамирчид “шилжин явах цом”-ын эзэд боллоо. Харин сагсан бөмбөгийн шилдэг эрэгтэй довтлогчоор УБЕГ-ын Мэдээллийн технологийн газрын инженер О.Чинзориг, эмэгтэй шилдэг довтлогчоор Хэнтий аймгийн Улсын бүртгэлийн хэлтсийн архивын фондчин Д.Оюун шалгарсан бол волейболын эрэгтэй шилдэг довтлогчоор Ховд аймгийн Улсын бүртгэлийн хэлтсийн Үенч сумын улсын бүртгэгч Д.Лхагвасайхан, эмэгтэй шилдэг довтлогчоор Өмнөговь аймгийн Улсын бүртгэлийн хэлтсийн Ханбогд сумын улсын бүртгэгч У.Цэенням нар тус тус онцгойрч шалгарав.
