Хөрөнгө оруулалтын тухай хуулийг Улсын Их Хурлаас 2013 оны 10 дугаар сарын 03-ны өдөр баталж, 11 дүгээр сарын 01-ний өдрөөс мөрдөж эхлээд байна.

Энэ хууль батлагдан мөрдөж эхэлсэнтэй холбогдуулан Хуулийн этгээдийн улсын бүртгэлийн тухай хуульд нэмэлт, өөрчлөлт орж гадаадын хөрөнгө оруулалттай аж ахуйн нэгж, гадаадын хуулийн этгээдийн төлөөлөгчийн газрын бүртгэлийг бүртгэлийн байгууллага хийх болсон. Энэхүү бүртгэлийг хийснээр Эдийн засгийн хөгжлийн яамнаас олгодог байсан зөвшөөрөл хүчингүй болж, шат дамжлага нэгээр цөөрч, төрийн үйлчилгээг иргэн, аж ахуйн нэгжид түргэн шуурхай хүргэх нөхцөл боломж бүрдэж байгаа юм.