Шинэчлэлийн Засгийн газрын 11 11 төв нь өнгөрсөн нэг жилийн хугацаанд хийсэн ажлаа болон иргэдээс хүлээж авсан санал хүсэлт, шийдвэрлэлтийн талаарх тайлангаа дүгнэн хэлэлцэж, нийтэд мэдээлсэн юм.

Энэ үеэр төрийн байгууллагууд иргэдийн санал, хүсэлтийг хэрхэн шийдвэрлэсэн талаар танилцуулсан бөгөөд агентлагуудаас Улсын бүртгэлийн ерөнхий газар иргэдийн санал хүсэлт, өргөдөл гомдлыг шуурхай шийдвэрлэж, хамгийн “эелдэг” байж иргэддээ хүрч үйлчилсэн үнэлгээ авч, тэргүүлэв. Тус газар иргэдийн санал хүсэлт, өргөдөл гомдлыг өөрийн байгууллагын цахим хуудас дахь “Зочны дэвтэр”, Онлайн лавлах 1890, Бүртгэлийн нэгдсэн лавлах 1890 утас, Засгийн газрын 11 11 төвийн цахим хуудсаар дамжуулан тогтол хүлээн авч, хариуг буцаан өгч шийдвэрлэж байна. Өнөөдрийн байдлаар тус газар он гарсаар утсаар болон онлайнаар нийт 50 мянга гаруй иргэний санал хүсэлт, талархал, өргөдөл гомдол зэргийг хүлээн авч холбогдох газар, хэлтэс нэгжүүддээ хуваарилан цаг тухайд нь шийдвэрлүүлж ажиллахын зэрэгцээ бүртгэлийн бүхий л үйлчилгээний талаар мэдээлэл, заавар зөвлөгөө хүргэж ажилласан байна.