Ахмадын баярын өдрийг тохиолдуулан Улсын бүртгэлийн ерөнхий газар жил бүр ахмадуудаа урьж, хүндэтгэл үзүүлдэг уламжлалтай.

Тэгвэл тус газрын дарга Ц.Пүрэвдорж, Тамгын газрын дарга С.Алтангэрэл болон зарим удирдлага, албаны хүмүүс энэ өдөр 76 ахмад буурлаа хүлээн авч уулзан, хүндэтгэл үзүүллээ. Энэ үеэр тус газрын дарга арга хэмжээг нээж үг хэлсэн. Тэрбээр ахмадууддаа албан хаагчдынхаа өмнөөс залуу хойч үеэ сурган хүмүүжүүлж, өнгөрсөн одоогийн алтан хэлхээ болж явдагт талархаж байгаагаа илэрхийлэн, эрүүл энх, урт удаан наслахыг хүсэн ерөөгөөд гарын бэлэг гардууллаа. Мөн энэ үеэр тус газрын удирдлага, газар, хэлтсийн дарга нар болон албан хаагчид ахмадууддаа хандаж та нарын маань ажлын арвин туршлага, үнэтэй санал зөвлөгөө чухал гэдгийг онцлон санал солилцсон юм.