Завхан аймгийн Улсын бүртгэлийн хэлтэс иргэдэд төрийн үйлчилгээний талаарх мэдээллийг хүртээмжтэй, нээлттэй хүргэх зорилтын хүрээнд www.zavkhan.burtgel.gov.mn цахим хуудсыг шинээр нээн ажиллуулж эхэллээ.

Тус цахим хуудсанд зочилсноор иргэн та Завхан аймгийн Улсын бүртгэлийн хэлтсийн үйл ажиллагаа, үйлчилгээнээс гадна холбоо барих утас, төсөв, санхүүгийн талаарх бүхий л мэдээллийг дэлгэрэнгүйгээр авах бүрэн боломжтой боллоо. Түүнчлэн тус цахим хуудас нь иргэдэд мэдээлэл өгөөд зогсохгүй онлайнд чиглэсэн Улсын бүртгэлийн үйлчилгээний 3 төрлийн лавлагааны системтэйгээр онцлогтой юм.