Улсын бүртгэлийн ерөнхий газрын хамт олон сар шинийн баярын өмнө бүртгэлийн салбарт хүчин зүтгэж явсан ахмадуудаа хүлээн авч уулзан, хүндэтгэл үзүүллээ.

Уулзалтад Улсын бүртгэлийн ерөнхий газрын дарга Ц.Пүрэвдорж, дэд дарга Г.Билгүүн, Тамгын газрын дарга Ч.Чанлуулодой нар болон бүртгэлийн салбарт ажиллаж хөдөлмөрлөж явсан ахмадууд уригдан оролцов. Энэ үеэр тус газрын дарга ахмадуудынхаа санаа бодлыг сонсож, ярилцан бүртгэлийн байгууллагын цаашдын хөгжилд ахмад буурлуудын маань байр суурь хамгаас чухал гэдгийг онцлон хэлээд Сар шинэдээ сайхан шинэлэхийг хүсэн гарын бэлгээ гардууллаа. Ахмадууд ч энэ үеэр жил бүр уламжлал болгон хүлээж авдагт баярлаж явдагаа илэрхийлээд бид залуу хойч үеийн залгамж халаа болсон та бүхэнтэйгээ хамт хүчин зүтгэхэд бэлэн байгаа шүү гэдгээ уламжилсан юм.