Тус газрын удирдлагууд аливаа бодлого шийдвэр үйл ажиллагаагаа олон нийтэд нээлттэй, ил тод байлгах бодлого баримтлан ажиллаж байна. Тиймээс www.burtgel.mn сайтыг бүрэн шинэчилж, бүртгэлийн байгууллагын үйл ажиллагаа, үйлчилгээтэй холбоотой бүхий л цогц мэдээ мэдээллийг багтаасан нэгдсэн сайтыг ажиллуулж эхлээд байна.

Энэхүү цахим хуудаснаас иргэн та, Улсын бүртгэлийн ерөнхий газрын үйл ажиллгаа, бүртгэлтэй холбоотой хууль, тогтоомж, тушаал, шийдвэр, цаг үеийн мэдээ мэдээлэл, тус газрын танилцуулга зэрэг улсын бүртгэлийн байгууллагын үйл ажиллагаатай холбоотой бүх төрлийн мэдээ мэдээллийг бүрэн авах боломжтой юм. Иргэн та тус сайтаас үйлчилгээний мэдээлэл авахаас гадна “онлайн лавлах 1890”, “Зочны дэвтэр”-т тус газрын үйл ажиллагаа, үйлчилгээ, албан хаагчдын талаарх санал хүсэлтээ илэрхийлэх боломж нээлттэй. Таны санал, санаачлагыг тус газар шуухайн хүлээн авч ажил, үйлчилгээндээ тусгах, асуудлыг хуулийн дагуу шийдвэрлэх зэрэг арга хэмжээнүүдийг авч хэрэгжүүлэн улмаар нийтэд мэдээлж байх болно. Уг цахим хуудас өмнө нь иргэдэд зориулсан 10 хүрэхгүй цонх ажилладаг байсан бол одоо мэдээллийн ил тод байдлыг хангахад чиглэсэн 20 гаруй цонхыг нэмж, мэдээллийн багатаамжийг ийнхүү нэмэгдүүлээд байна.