Тус газар энэ сарын 21-ний өдөр 2012 оны үйл ажиллагааны үр дүн, ажлын идэвх санаачлага, ур чадвараараа бусдыгаа манлайлж ажилласан оны шилдэг ажилтнуудаа тодрууллаа.

Энэ оны “ОНЫ ШИЛДЭГ АЖИЛТАН”-аар Тамгын газрын Сургалт, сурталчилгаа, гадаад харилцааны хэлтсийн ахлах мэргэжилтэн Ч.Нямцэцэг, Бүртгэлийн газрын Гадаадад, зорчих эрхийн бүртгэлийн хэлтсийн улсын бүртгэгч Ч.Чимгээ, Нийслэлийн Чингэлтэй дүүргийн Бүртгэлийн хэлтсийн Эд хөрөнгийн улсын бүртгэгч Т.Наранцэцэг, Бүртгэлийн газрын Хуулийн этгээдийн бүртгэлийн хэлтсийн улсын ахлах бүртгэгч Я.Сүрэн, Мэдээлэл, технологийн газрын Мэдээллийн сан программ хангамжийн хэлтсийн программ зохиогч Д.Батбаяр, Бүртгэлийн хяналтын газрын хяналтын улсын ахлах байцаагч Б.Батмөнх, Улсын бүртгэлийн төв архивын газрын Иргэний баримтын архивын хэлтсийн ахлах архивч Ч.Нацагмаа нар тус тус оны шилдэг шагналыг хүртэж, хамт олноо тэргүүллээ. “Оны шилдэг ажилтан”-аар шалгарсан албан хаагч тус бүр мөнгөн урамшуулал, цом, талархлын туузаар шагнуулав. Шилдэгүүддээ ажлын амжилт, сайн сайхныг хүсье.