Иргэний цахим үнэмлэхийг 11 дүгээр сарын 15-ны өдрөөс эхлэн төрийн болон бусад байгууллагын үйлчилгээнд үе шаттайгаар нэвтрүүлж ажиллахыг Хууль зүйн сайдын 2012 оны 11 дүгээр сарын 15-ны өдрийн А/75 тушаалаар шийдвэрлэсэн.

Үүнтэй холбогдуулан Улсын бүртгэлийн ерөнхий газрын төв, орон нутгийн бүртгэлийн хэлтэс, нэгжүүд өнөөдрөөс эхлэн иргэний цахим үнэмлэхээр бүртгэлийн үйлчилгээ үзүүлэхээр боллоо. Цаашид төрийн болон бусад байгууллагууд иргэний цахим үнэмлэхээр үйлчилгээ үзүүлэх юм. Мөн Аймаг, сум, дүүргийн иргэдийн төлөөлөгчдийн хурлын сонгуульд иргэд цахим үнэмлэхээр санал өгнө.