Улсын бүртгэлийн ерөнхий газраас Аймаг, сум, дүүргийн Иргэдийн Төлөөлөгчдийн Хурлын сонгуулийн тухай хуулийг хэрэгжүүлэх ажлын хүрээнд орон нутаг дахь Улсын бүртгэлийн газар, хэлтсийн дарга, Иргэний бүртгэлийн тасгийн дарга нарыг хамруулсан “Аймаг, сум, дүүргийн иргэдийн Төлөөлөгчдийн Хурлын сонгуулийн тухай хуулийг хэрэгжүүлэхэд Улсын бүртгэлийн байгууллагын оролцоо” сэдэвт сургалтыг 10 дугаар сарын 4-5-ны өдрүүдэд Улаанбаатар хотноо зохион явуулах гэж байна.

Мөн орон нутгийн хэлтсийн архивчдыг хамруулсан “Улсын бүртгэлийн байгууллагын архивчдын нэгдсэн сургалт, семинар”-ыг дээрх өдрүүдэд зохион байгуулна. “Аймаг, сум, дүүргийн иргэдийн Төлөөлөгчдийн Хурлын сонгуулийн тухай хуулийг хэрэгжүүлэхэд Улсын бүртгэлийн байгууллагын оролцоо” сэдэвт сургалт Бишрэлт зочид буудалд, “Улсын бүртгэлийн байгууллагын архивчдын нэгдсэн сургалт, семинар” Royal House зочид буудалд тус тус болно.