Улсын бүртгэлийн ерөнхий газраас Монгол Улсын Их Хурлын сонгуулийн тухай хуулийг хэрэгжүүлэх ажлын хүрээнд сонгуулийн үйл ажиллагааг зохион байгуулах эрх зүйн орчин, тус газрын чиг үүрэг, оролцооны талаар мэдээлэл өгөх зорилгоор орон нутаг дахь Улсын бүртгэлийн газар, хэлтсийн дарга, Иргэний бүртгэлийн тасгийн дарга нарыг хамруулсан “Монгол Улсын Их Хурлын сонгуулийн хуулийг хэрэгжүүлэхэд Улсын бүртгэлийн байгууллагын оролцоо” нэгдсэн сургалт, семинар Улаанбаатар хотноо хоер өдөр явагдаж өндөрлөлөө.

Уг семинараар Монгол Улсын Их Хурлын сонгуулийн тухай хуулиар хүлээсэн бүртгэлийн байгууллагын чиг үүрэг, сонгогчдын нэрийн жагсаалтыг нягтлан шалгах, түүнд өөрчлөлт оруулах журам болон Монгол Улсын Их Хурлын сонгуулийн бэлтгэл ажил зэрэг сэдвийн хүрээнд танилцуулга, мэдээлэл өгсөн юм. Мөн иргэний бүртгэлийн онлайн системийн ашиглах тухай, иргэний шинэчилсэн бүртгэлийн зөрчил шийдвэрлэлт, сонгогч бүртгэх, санал хураах, тоолох техник хэрэгсэлтэй хэрхэн танилцах, ашиглахтай холбоотой асуудлаар улсын бүртгэлийн байгууллагаас сонгуулийн хуулийг хэрэгжүүлэх ажлын хүрээнд хийж буй ажил, оролцооны талаар тус газрын холбогдох мэргэжлийн хүмүүс хичээлийг заан явуулав. Монгол Улсын Их Хурлын сонгуулийн хуулийг хэрэгжүүлэхэд Улсын бүртгэлийн байгууллагын оролцоо” нэгдсэн сургалт, семинарт Улсын бүртгэлийн ерөнхий газрын удирдлагууд болон аймаг, нийслэлийн Улсын бүртгэлийн хэлтэс, Иргэний бүртгэлийн тасгийн дарга нар нийт 70 гаруй албаныхүмүүс оролцлоо.