БНСУ-ын Эмэгтэйчүүд, гэр бүлийн яамны санаачлагаар Вьетнам, Филиппин, Камбож, Непал болон Монгол Улсын гадаад иргэдтэй гэр бүл болох бүртгэлийн асуудал хариуцсан төрийн албан хаагчдийн дунд туршлага солилцох, харилцан ойлголцол, хамтын ажиллагааг хөгжүүлэн дэмжих зорилгоор энэ оны 5 дугаар сарын 20-23-ны өдрүүдэд БНСУ-ын Сөүл хотноо зохион байгуулагдаж байгаа сургалтад УБЕГ-ын улсын бүртгэгч оролцож байна.

БНСУ-ын олон соёлт гэр бүлийн хувьд баримталж байгаа бодлого, хууль эрх зүйг судлан мэдэх нь БНСУ-ын иргэдтэй гэр бүл болж байгаа Монгол эмэгтэйчүүддээ эх орноосоо гарахаас өмнө БНСУ-ын тухай хууль зүйн болон соёлын тухай тодорхой ойлголт өгөхөд ихээхэн ач холбогдолтой юм. БНСУ-ын Эмэгтэйчүүд, гэр бүлийн яам нь 2009 оноос хойш Солонгос улсын иргэдтэй гэр бүл болж байгаа эмэгтэйчүүдэд Солонгос орны ёс заншил, амьдралын хэв маягын талаар мэдээлэл, ойлголт өгөх, Солонгос хэлний сургалтад хамруулах зэргээр дэмжлэг үзүүлэн ажиллаж байна.