УБЕГ-ын газрын харъяа Эд хөрөнгө, Хуулийн этгээд, Иргэний бvртгэл, Нийслэлийн бvртгэлийн газар болон бусад нэгж, тасгууд энэ амралтын өдөр буюу Бямба гарагт ээлжит Нээлттэй хаалганы өдөрлөгөө тус тусын байрандаа зохион явуулах гэж байна.

Уг өдрийн арга хэмжээг тус газрын Эд хөрөнгийн эрхийн бvртгэлийн газар “Газар өмчлөх эрхийн бvртгэл” сэдвийн хvрээнд явуулна. Энэ хүрээнд иргэд олон нийтэд газар өмчлөх эрхээ улсын бvртгэлд бvртгvvлэхэд бvрдvvлдэг баримт бичиг, тvvнийгээ улсын бvртгэлд бvртгvvлэхийн ач холбогдол, эдийн засгийн эргэлтэд хэрхэн яаж оруулах, бvртгэлд оруулсны vр дvн, гарч болох зөрчлvvд, тэдгээрийг арилгах арга замуудын талаар нарийвчилсан заавар, зөвлөгөө мэдээлэл өгнө. Мөн иргэдийн газар өмчлөх эрхээ улсын бvртгэлд бvртгvvлэхээр гаргасан мэдvvлгийг хvлээн авах, бvртгэл хийж, vл хөдлөх эд хөрөнгийн гэрчилгээ олгох бvхий л vйлчилгээг нэг цэгээс хvргэх юм. Тvvнчлэн архивын бvх төрлийн лавлагаа олгох, гадаад паспортын материал хvлээн авах, хvчинтэй хугацааг сунгах, хуулийн этгээдийн vvсгэн байгуулах баримт бичгийн жагсаалт хvлээн авах, бvртгэх зэрэг тус газраас ажлын өдөр иргэдэд vзvvлж, олгодог бvхий л төрлийн vйлчилгээг vзvvлэхээс гадна иргэдийн санал бодлыг сонсож, өргөдөл гомдлыг хүлээн авч асуудлыг зохих журмын дагуу шийдвэрлэж ажиллана. Манай улсын хувьд дипломат төлөөлөгчийн болон консулын газар 40 улсад байдаг тоо бий. Харин консулын газар байхгүй улсын тухайд тухайн улсын онцлог, иргэдийн төвлөрлийг харгалзан мэдээллийн аюулгүй байдлыг хангасны үндсэн дээр явуулан бүртгэхээр төлөвлөөд байгаа юм.