Хуулийн этгээдийн улсын бүртгэгч нарт зориулсан онлайн сургалт зохион байгууллаа

Татварын тухай хуульд өөрчлөлт орсны дагуу хуулийн этгээдийн эцсийн өмчлөгчийг 2020 оны 01 дүгээр сарын 01-нээс эхлэн Улсын бүртгэлийн ерөнхий газар /УБЕГ/-аас баталсан маягтын дагуу мэдүүлэх болсон билээ.

Үүнтэй холбогдуулан улсын хэмжээнд бүртгэлтэй байгаа 194 мянга гаруй хуулийн этгээд нь эцсийн өмчлөгчөө 2021 оны нэгдүгээр сард багтаан бүртгүүлэх ёстой талаар УБЕГ-аас өнгөрсөн долоо хоногт хэвлэлийн бага хурал зарлаж, олон нийтэд дэлгэрэнгүй мэдээлэл хийсэн. Тэгвэл хуулийн хэрэгжилттэй холбогдуулан анхаарах асуудлаар хуулийн этгээдийн улсын бүртгэгч нарт зориулсан онлайн сургалтыг өнөөдөр /2020.01.04/ УБЕГ-ын Хуулийн этгээдийн улсын бүртгэлийн газраас зохион байгууллаа.  

Сургалтад Хуулийн этгээдийн улсын бүртгэлийн газар, аймаг болон нийслэлийн Улсын бүртгэлийн хэлтсийн хуулийн этгээдийн улсын бүртгэгч нар хамрагдаж, Хуулийн этгээдийн эцсийн өмчлөгчийн мэдээллийг улсын бүртгэлд бүртгэхэд анхаарах асуудал, мөн Хуулийн этгээдийн мэдээлэл өөрчлөгдсөн тохиолдолд татвар төлсөн талаарх татварын албаны тодорхойлолтын талаар мэдээлэл сонсч, сонирхсон асуултдаа хариулт авсан юм.

Мэдээллийг УБЕГ-ын Хяналт шалгалтын газрын дарга Б.Ганзориг, Захиргаа, эрх зүйн хэлтсийн дарга Г.Мөнхцэцэг, Татварын ерөнхий газрын Татвар төлөгчтэй харилцах газрын татварын улсын ахлах байцаагч Я.Батжаргал хийж, Хуулийн этгээдийн улсын бүртгэлийн газрын дарга Ж.Аюуш сургалтыг удирдан зохион байгууллаа гэж УБЕГ-ын Хамтын ажиллагаа, сургалтын хэлтсээс мэдээлэв.

 

Please publish modules in offcanvas position.