Улсын бүртгэлийн нэгдсэн тогтолцоонд шилжсэний 10 жилийн ойн хүрээнд зохион байгуулагдсан спортын арга хэмжээ амжилттай өндөрлөлөө

Улсын бүртгэлийн салбарын шилжин явах цомын төлөөх спортын дөрвөн төрөлт тэмцээн 2019 оны 11 дүгээр сарын 15, 16-ны өдрүүдэд амжилттай зохион байгууллагдлаа.

 

Тэмцээний нээлт “Их тамир” спорт цогцолборт болж /2019.11.16/, арга хэмжээг Улсын бүртгэлийн ерөнхий газрын дарга Б.Баасандорж, Хууль зүй, дотоод хэргийн яамны Төрийн нарийн бичгийн дарга Г.Билгүүн нар нээж үг хэлэв. Шилжин явах цомын төлөөх уг тэмцээнд Хууль зүй, дотоод хэргийн яам урилгаар оролцож, улсын бүртгэлийн байгууллагын ажилтны өдөр /11 дүгээр сарын 23/, мөн энэ онд тохиож буй улсын бүртгэлийн нэгдсэн тогтолцоонд шилжсэний 10 жилийн ойг угтсан арга хэмжээ болохыг онцолж, нийт албан хаагчдад ажил хөдөлмөрийн амжилт болоод эрүүл энх, сайн сайхныг хүсэн ерөөв. 

Тэмцээнийн нээлтэд ХЗДХЯ-ны Төрийн захиргаа, удирдлагын газрын дарга Д.Жанчивдорж, тус яамны Хууль зүйн бодлогын газрын дарга П.Сайнзориг, УБЕГ-ын дэд дарга Д.Дэлгэрсайхан, УБЕГ-ын Тамгын газрын дарга Г.Цолмон, аймаг, нийслэлийн газар, хэлтсийн дарга нар оролцож, Хууль зүй, дотоод хэргийн яам, Улсын бүртгэлийн ерөнхий газар /2 баг/, 21 аймаг /баруун, зүүн, төв, хангайн бүсийн 4 баг/, нийслэлийн 9 дүүргийн /2 баг/ бүртгэлийн хэлтсийн албан хаагчид ширээний теннис, шатар, сагсан бөмбөг болон гар бөмбөгийн төрөлд нийт 330 гаруй албан хаагчид 123 медалийн төлөө оюун ухаан, хурд хүч, авхаалж самбаагаа сорин өрсөлдөж, шилдгүүдээ тодруулсан юм.

Тэмцээний дүнг танилцуулбал:

ШИРЭЭНИЙ ТЕННИС /Эрэгтэй/

Нэгдүгээр байр: Г.Болд /УБЕГ-ын Тамгын газар, Санхүү төлөвлөлтийн газар, жолооч/

Хоёрдугаар байр: Д.Аманбек /Баян-Өлгий аймгийн Улсын бүртгэлийн хэлтэс, Иргэний улсын бүртгэлийн тасгийн дарга бөгөөд улсын ахлах бүртгэгч/

Гуравдугаар байр: З.Хасар / Өмнөговь аймгийн Улсын бүртгэлийн хэлтэс, Иргэний улсын бүртгэлийн тасгийн улсын бүртгэгч/

ШИРЭЭНИЙ ТЕННИС /Эмэгтэй/

Нэгдүгээр байр: Б.Ариунаа /Увс аймгийн Улсын бүртгэлийн хэлтсийн Эд хөрөнгийн эрхийн улсын бүртгэгч/

Хоёрдугаар байр: С.Сарантуяа /Дундговь аймгийн Гурвансайхан сумын улсын бүртгэгч/

Гуравдугаар байр: Б.Золзаяа /Нийслэл дэх Чингэлтэй дүүргийн Улсын бүртгэлийн хэлтэс, Иргэний улсын бүртгэлийн тасгийн улсын бүртгэгч/

ШАТАР

Нэгдүгээр байр: УБЕГ 2-р баг /УБЕГ-ын дэд дарга Д.Дэлгэрсайхан, Хуулийн этгээдийн улсын бүртгэлийн газрын улсын бүртгэгч Ж.Нямдорж, УБЕГ-ын Нэгдсэн архивын ахлах архивч Я.Мөнхтулга, 15 оноо/

Хоёрдугаар байр: УБЕГ 1-р баг /Хяналт шалгалтын газрын хяналтын улсын байцаагч Г.Баатар, Санхүү төлөвлөлтийн газрын дарга С.Тэрбиш, Эд хөрөнгийн эрхийн улсын бүртгэлийн газрын улсын ахлах бүртгэгч Э.Гэрэлмаа, 12 оноо/

Гуравдугаар байр: ХЗДХЯ /Төрийн захиргаа, удирдлагын газрын ахлах мэргэжилтэн Б.Ойдов, Хэм хэмжээ, актын хяналтын бүртгэлийн хэлтсийн мэргэжилтэн С.Дархантөгс, Олон улсын гэрээ, гадаад хамтын ажиллагааны газрын мэргэжилтэн Г.Сарнай, 12 оноо/

САГСАН БӨМБӨГ /Эмэгтэй/

Нэгдүгээр байр: Улсын бүртгэлийн ерөнхий газрын 1-р баг

Хоёрдугаар байр: Зүүн бүс /Дорнод, Сүхбаатар, Хэнтий, Говьсүмбэр, Дорноговь/

Гуравдугаар байр: Төвийн бүс /Дархан-Уул, Өмнөговь, Дундговь, Сэлэнгэ, Төв/

САГСАН БӨМБӨГ рэгтэй/

Нэгдүгээр байр: Улсын бүртгэлийн ерөнхий газрын 2-р баг

Хоёрдугаар байр: Улсын бүртгэлийн ерөнхий газрын 1-р баг

Гуравдугаар байр: Нийслэл дэх улсын бүртгэлийн газрын 1-р баг

ГАР БӨМБӨГ /Эмэгтэй/

Нэгдүгээр байр: Баруун бүс /Баян-Өлгий, Говь-Алтай, Завхан, Увс, Ховд/

Хоёрдугаар байр: Хангайн бүс /Архангай, Баянхонгор, Өвөрхангай, Орхон, Булган, Хөвсгөл/

Гуравдугаар байр: Нийслэл дэх улсын бүртгэлийн газрын 1-р баг

ГАР БӨМБӨГ /Эрэгтэй/

Нэгдүгээр байр: Хууль зүй, дотоод хэргийн яам

Хоёрдугаар байр: Төвийн бүс /Дархан-Уул, Өмнөговь, Дундговь, Сэлэнгэ, Төв/

Гуравдугаар байр: Баруун бүс /Баян-Өлгий, Говь-Алтай, Завхан, Увс, Ховд/

Нийлбэр оноогоор:

Ийнхүү тэмцээний нийлбэр дүнгээр Тэргүүн байрт Баруун бүсийн /Баян-Өлгий, Говь-Алтай, Завхан, Увс, Ховд/ баг тамирчид шалгарч Улсын бүртгэлийн салбарын шилжин явах цом хүртсэн бол Дэд байрт Улсын бүртгэлийн ерөнхий газрын 2-р баг, гутгаар байрт Улсын бүртгэлийн ерөнхий газрын 1-р баг тамирчид тус тус шалгарлаа. Уламжлал болсон уг тэмцээн ирэх жил дахин зохион байгуулагдах ба тэмцээнд амжилттай оролцсон нийт баг тамирчиддаа баяр хүргэж, спортын өндөр амжилт хүсье.

 

Please publish modules in offcanvas position.