XVII жарны “Тийн унжлагат” хэмээх шороон Нохой жилийн сар шинийн баярыг  тохиолдуулан Оюуны өмч, улсын бүртгэлийн ерөнхий газрын удирдлагууд тус байгууллагад залуу нас, мэдлэг боловсрол, авьяас чадвараа харамгүй зориулж явсан үе үеийн ахмад буурлуудаа хүлээн авч уулзан хүндэтгэл үзүүллээ.  Уулзалтад ОӨУБЕГ-ын дарга Р.Содхүү, Тамгын газрын дарга Б.Бадамцэцэг, Хяналт-шинжилгээ, үнэлгээ, дотоод аудитын газрын дарга Т.Гаттөмөр, Нийслэлийн Улсын бүртгэлийн газрын Захиргаа удирдлагын хэлтсийн дарга О.Баттөмөр нар оролцов.

Уулзалтын үеэр ОӨУБЕГ-ын дарга Р.Содхүү тус салбарт хийж хэрэгжүүлж байгаа ажлын талаар ахмадуудад товч танилцуулж, оюуны өмч, улсын бүртгэлийн байгууллагын үйл ажиллагааг өргөжүүлэн хөгжүүлэхэд ахмадуудын хэлсэн үнэтэй санал, зөвлөгөө чухал болохыг онцолж, эрүүл энх байж, урт удаан наслахыг ерөөгөөд гарын бэлгээ гардууллаа.