Оюуны өмч, улсын бүртгэлийн ерөнхий газраас 2017 оны 09 дүгээр сарын 11-нээс 15-ны өдрүүдэд улсын бүртгэгчээр томилогдохоор судлагдаж байгаа албан хаагчдад улсын бүртгэлийн хууль тогтоомж, дүрэм журам, ёс зүйн хэм хэмжээ, иргэн, эд хөрөнгө, хуулийн этгээдийн улсын бүртгэлийн чиглэлээр онол, дадлага, бүртгэлийн цахим системийн мэдлэг олгох зорилгоор сургалт зохион байгууллаа.

Сургалтаар Захиргааны ерөнхий хууль, Улсын бүртгэлийн ерөнхий хуулийн эрх зүйн зохицуулалт, Иргэний бүртгэлийн үйл ажиллагаанд мөрдөгдөх эрх зүйн актууд, Иргэний шинэчилсэн бүртгэл, шилжилт хөдөлгөөн, гадаадад зорчих эрхийн бүртгэл, Онлайн, офлайн, аффис системийн ашиглалт, Оюуны өмчийн эрхийн хамгаалалт, Хуулийн этгээдийн бүртгэл, түүний төрөл, мөрдөгдөх эрх зүйн актууд, анхаарах асуудал зэрэг хууль тогтоомж, дүрэм журмын талаар мэдээлэл өглөө. Сургалтын сүүлийн өдөр албан хаагчдад гэрчилгээ олгов. Гэрчилгээг Оюуны өмч, улсын бүртгэлийн ерөнхий газрын Тамгын газрын дарга Б.Бадамцэцэг гардуулж, цаашдын ажилд нь амжилт хүслээ.