Чингэлтэй дүүргийн 25 жилийн ойг угтан Улсын бүртгэлийн хэлтсээс санаачлан “Гэр бүлийн үнэ, цэнэ” сэдэвт өдөрлөгийг зохион байгууллаа.

Өдөрлөгийн  зорилго нь гэр бүлийн харилцааг эрхэмлэн хүндэлдэг, бат бэх, эерэг зөв нөлөөлөлтэй, нэр хүндтэй, халуун дулаан, бусдад үлгэр дуурайлал болж яваа залуу гэр бүлүүдийн нийгмийн идэвх оролцоог нэмэгдүүлэх юм. Тус өдөрлөгт 1 дүгээр хорооны төлөөлөл 25 залуу гэр бүл болон дүүргийн Улсын бүртгэлийн хэлтсийн Иргэний бүртгэлийн тасгийн дарга бөгөөд ахлах улсын бүртгэгч Г.Хулан, 1-р хорооны улсын бүртгэгч Ж.Энх-Амгалан, ИТХ-ын Төлөөлөгч, Тэргүүлэгч, хорооны Засаг дарга Н.Сайнболд, ИНХ-ын дарга Ч.Өнөрсайхан, нар оролцлоо. Мөн “Мянган хүүхэд – Мянган бэлэг” ТББ-ын тэргүүн, Хэрэглэгчийн эрхийг хамгаалах дэд тэргүүн, магистр гэр бүл судлаач Т.Диймаа “ГЭР БҮЛИЙН ҮНЭ, ЦЭНЭ” сэдэвт сургалтыг удирдан явуулж, Соёлын тэргүүний ажилтан дуучин Х.Батмэнд ая дууны мэндчилгээ дэвшүүлэв. Өдөрлөгийн үеэр зарим залуу гэр бүлийг  батлан гэрлэлтийн баталгааг гардуулж, эхнэр нөхрийн андгайг дурсамж хэлбэрээр хэвлүүлэн бэлэглэлээ.