Оюуны өмч, улсын бүртгэлийн ерөнхий газрын Хүний нөөц, сургалтын хэлтэс болон Эд хөрөнгийн эрхийн бүртгэлийн газар хамтран төв, нийслэл, орон нутгийн эд хөрөнгийн эрхийн бүртгэл хариуцсан улсын бүртгэгч нарт зориулсан сургалтыг 2017 оны 3 дугаар сарын  27-ны өдөр зохион байгуулав.

Энэхүү сургалтаар Хөдлөх эд хөрөнгө болон эдийн бус хөрөнгийн барьцааны тухай хууль, Хөдлөх эд хөрөнгө болон эдийн бус хөрөнгийн барьцааны бүртгэлийн журмын хэрэгжилтийн хүрээнд “Хөдлөх эд хөрөнгө болон эдийн бус хөрөнгийн барьцааны мэдэгдлийн бүртгэл, цахим систем” сэдвээр Мэдээлэл, технологийн газрын програм зохиогч П.Ганзориг илтгэл тавьж, улсын бүртгэгч нарт онол практикийн мэдээ, мэдээлэл өглөө. Мөн “ Сервитут, узуфрукт, бусдын газар дээр барилга байгууламж барих эрх” эдгээр эрхүүдийн эрх зүйн зохицуулалт, онцлог, олон улсын туршлагын талаар  МЭЗЭЗХ-ны захирал Р.Очирбал илтгэл тавьж, сонирхсон асуултад хариуллаа.   Сургалтад нийт 85 улсын бүртгэгч оролцсон бөгөөд орон нутгийн улсын бүртгэгч нар онлайнаар холбогдож сургалтад оролцсон нь цаг хугацаа, төсвийн зардал хэмнэсэн ач холбогдолтой юм.