Оюуны өмч, Улсын бүртгэлийн ерөнхий газрын Хяналтын газар, Америкийн нэгдсэн улсын элчин сайдын яамны Худалдааны танхимтай хамтран Оюуны өмчийн ерөнхий ойлголт өгөх, оюуны өмчийн эрхийг хэрхэн хамгаалах талаарх сургалтыг Нийслэлийн 37-р дунд сургуулийн 9-р ангийн сурагчдад зохион байгуулав.

Сургалтын хүрээнд сурагчдад Оюуны өмчийн эрхийн хамгаалалтыг хэрхэн хийх талаар анхан шатны ойлголтыг өгч, эдийн бус баялагийг бий болгож, хамгаалж нийгэм эдийн засгийн харилцаанд ашиглах, түгээн дэлгэрүүлэх мэдлэг мэдээлэл олгов. Дээрх сургалтанд нийт 120 гаруй сурагч оролцлоо. Цаашид сар бүр ерөнхий боловсролын сургуулиудад Оюуны өмчийн эрхийн хамгаалалт сэдвээр хичээл заахаар төлөвлөөд байна.