Оюуны өмч, улсын бүртгэлийн ерөнхий газрын даргын баталсан удирдамжийн дагуу Хуулийн этгээдийн бүртгэлийн газрын 2016 оны бүтэн жилийн үйл ажиллагааны бүртгэлийн материалд, бүртгэлийн бүх чиглэлээр  төлөвлөгөөт шалгалтыг Хяналтын газраас хийлээ.

 Шалгалтыг явцад 106 зөрчил илрүүлсэн бөгөөд зөрчлийг арилгуулах, цаашид зөрчил гаргахгүй ажиллах талаар хяналтын улсын ахлах байцаагчийн 2017 05 дугаартай албан шаардлага хүргүүлээд байна. Мөн Хуулийн этгээдийн улсын бүртгэгч нарт илэрсэн зөрчлийг арилгах, зөрчлөөс урьдчилан сэргийлэх талаар холбогдох хууль, журмын талаар заавар зөвлөмжийг өгч ажиллав. Түүнчлэн Хуулийн этгээдийг улсын бүртгэлд бүртгэх процессын үйл ажиллагааг журамлаж, шат дамжлагыг бууруулах арга хэмжээ авч ажиллахыг үүрэг болгосон.  Хуулийн этгээдийн бүртгэлийн газрын үйл ажиллагаанд  ойрын жилүүдэд ийм том хэмжээний шалгалт ороогүй байсан байна. Цаашид газрын дарга болон улсын ахлах бүртгэгч нар улсын бүртгэлийн үйл ажиллагаанд тавих хяналтаа сайжруулж, хууль, тогтоол, дүрэм, журмыг чанд мөрдөн ажиллах нь зүйтэй юм.