Оюуны өмч, улсын бүртгэлийн байгууллагын удирдах ажилтны зөвлөгөөн энэ сарын 20-21-ний өдөр амжилттай болж өндөрлөлөө.

Тус зөвлөгөөнөөр “Оюуны өмч, улсын бүртгэлийн өнөөгийн байдал, хөгжлийн чиг хандлага” эрдэм шинжилгээний бага хурлыг зохион байгуулж, түүнээс гарсан санал, дүгнэлтийг хэлэлцлээ. Мөн Улсын бүртгэлийн салбар, нэгжүүдийн 2016 оны үйл ажиллагааны үнэлгээг танилцуулж, ажил үйлсээрээ манлайлан ажилласан газар, хэлтсийг шалгаруулан шилжин явах туг, өргөмжлөл гардуулан өгсөн. ОӨУБЕГ-ын шилдэг газраар Иргэний бүртгэлийн газар, орон нутгийн шилдэг хэлтсээр Хэнтий аймаг, дүүргийн шилдэг хэлтсээр Сонгинохайрхан дүүрэг тус тус шалгарсан юм.

 Түүнчлэн зөвлөгөөний үеэр ОӨУБЕГ-ын дарга Р.Содхүү газар, хэлтсийн удирдлагуудтай 2017 оны үр дүнгийн гэрээ байгуулж, 11 албан хаагч төрийн жинхэн албан хаагчийн тангараг өргөлөө.