Хууль зүй, дотоод хэргийн сайдын эрхлэх асуудлын хүрээний улсын төсөвт, төрийн өмчит аж ахуйн тооцоот үйлдвэрийн газруудын үйлдвэрлэсэн бүтээгдэхүүн танилцуулах үзэсгэлэн энэ сарын 11-ний өдөр Төрийн тусгай албан хаагчдын нэгдсэн эмнэлэгт зохион байгуулагдлаа. 

Тус үзэсгэлэнд Оюуны өмч, улсын бүртгэлийн ерөнхий газар амжилттай оролцож, иргэний цахим үнэмлэх, гадаад паспорт, гэрлэлт, хүүхэд үрчлэл, овог нэр өөрчлөлтын зэрэг гэрчилгээ, лавлагааны маягтыг дэлгэн танилцууллаа. Мөн Эд хөрөнгө, Хуулийн этгээд, Зохиогчийн  эрх, Барааны тэмтэгт, Шинэ бүртгэлийн патентийн гэрчилгээг хэрхэн авах, бүрдүүлэх материалын талаарх дэлгэрэнгүй мэдээллийг өгч, ТҮЦ машиныг ажиллуулж, иргэдэд лавлагаа мэдээлэл авахад нь зөвлөгөө өглөө.  

 Бүтээгдэхүүн танилцуулах үзэсгэлэнгийн зорилго нь Хууль зүй, дотоод хэргийн салбарын үйлдвэрлэгчдийг хэрэглэгчтэй холбох, бүтээгдэхүүний чанар стандарт, загварыг захиалагчид танилцуулах, улмаар эдийн засгийн үр ашигтай үйлдвэрлэлийг хөгжүүлэх арга замыг илүү оновчтой тодорхойлоход байв.