Монгол Улсад Үл хөдлөх, Эд хөрөнгийн бүртгэлийн байгууллага үүсч хөгжсөний 20 жилийн ой, “Эрх зүйн шинэчлэл- иргэний эрхийн баталгаа” сарын аяны хүрээнд ОӨУБЕГ-ын Эд хөрөнгийн эрхийн бүртгэлийн газраас  хуулийн чиглэлээр суралцдаг оюутан залуусын дунд танин мэдэхүйн уралдаант АХА тэмцээнийг зохион байгууллаа. 

Тодруулбал, тус тэмцээнд МУИС, Хууль сахиулахын их сургууль, Шихихутаг, Батлан хамгаалахын их сургууль,  Орхон, Отгонтэнгэр их сургуулийн 90 гаруй оюутан залуус оролцож, Иргэний бүртгэл, Эд хөрөнгө, Хуулийн этгээд, Оюуны өмчтэй холбогдох хуулийн асуултад хариулж, мэдлэгээ сорьсон юм. Уралдааны тэргүүн байрыг Хууль сахиулахын их сургуулийн сонсогч Б.Жанчивдорж эзэллээ.