Оюуны өмч, улсын бүртгэлийн ерөнхий газрын дарга Р.Содхүү 2017 онд хийж хэрэгжүүлэх ажил, үүрэгтэй холбоотойгоор өнөөдөр Хууль зүй, дотоод хэргийн сайд С.Бямбацогттой үр дүнгийн гэрээ байгууллаа.  

Засгийн газрын үйл ажиллагааны хөтөлбөр, уг хөтөлбөрийг хэрэгжүүлэх нарийвчилсан төлөвлөгөөг хэрэгжүүлэхэд үр дүнгийн гэрээний биелэлт чиглэх юм.

 Мөн энэ үеэр 2017 оныг Хууль зүй, дотоод хэргийн салбар бүхэлдээ  “Иргэдэд ойр эрх зүйн үйлчилгээний жил”  болгох зорилтыг дэвшүүлж байгааг салбарын сайд онцлон хэлсэн. 

Дээрх зорилтын хүрээнд  иргэдийн эрх зүйн боловсролыг дээшлүүлэх ажлыг шинээр зохион байгуулж, онлайн болон орчин цагийн мэдээллийн технологийн үйлчилгээний дэвшилтэт хэлбэрүүдийг  ашиглаж, иргэдэд үзүүлэх  үйлчилгээг  шуурхай болгон бүртгэл, оюуны өмчийн  мэдээллийн санг илүү нээлттэй болгох  юм.