Төрийн албаны зөвлөлийн Оюуны өмч, улсын бүртгэлийн ерөнхий газрын дэргэдэх салбар зөвлөл

                            2016 оны 11 дүгээр сарын 28-ны өдөр                                          Улаанбаатар хот

ОЮУНЫ ӨМЧ, УЛСЫН БҮРТГЭЛИЙН ЕРӨНХИЙ ГАЗРЫН 33 АЖЛЫН БАЙРНЫ  СУЛ ОРОН ТООГ НӨХӨХ, ДҮГНЭЛТ ГАРГАХ СОНГОН ШАЛГАРУУЛАЛТ

Төрийн албаны тухай хуулийн 17 дугаар зүйлийн 17.1 дэх хэсэг, УИХ-ын 2003 оны 13 дугаар тогтоолоор баталсан “Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам”-ын 14-ийн “а”, “б”-д заасны дагуу тус газрын нийт 33  удирдах албан тушаалын сул орон тоог нөхөх, дүгнэлт гаргах сонгон шалгаруулалтыг зарлаж байна. 

 

Нэг. Сонгон шалгаруулалтын зорилго

Оюуны өмч, улсын бүртгэлийн ерөнхий газрын 33 удирдах албан тушаалын сул орон тоог сонгон шалгаруулж нөхөхөд оршино.

Сонгон шалгаруулалтанд оролцогчид нь Улсын Их Хурлын 2003 оны 13 дугаар тогтоолоор батлагдсан “Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам”, Төрийн албаны зөвлөлийн 2013 оны 14 дүгээр тогтоолоор батлагдсан “Төрийн жинхэнэ албаны удирдах албан тушаалд томилогдох ажилтны сонгон шалгаруулалтын үнэлгээ, дүгнэлт гаргах заавар”-тай тус тус танилцсан байна.

          Хоёр. Сонгон шалгаруулалтын бүртгэл

Зарлагдаж буй сул орон тоонд тухайн албан тушаалд тавигдах боловсрол, мэргэжил, мэргэшил, туршлага, ур чадвар болон тусгай шаардлагыг хангасан, энэ албан тушаалд ажиллахыг хүссэн төрийн жинхэнэ албан хаагчийг бүртгэнэ.

Төрийн албаны тухай хуулийн 10 дугаар зүйлд зааснаар тухайн зарлагдсан сул ажлын байранд тавигдсан 4 ерөнхий шаардлага /БОЛОВСРОЛ, МЭРГЭЖИЛ, МЭРГЭШИЛ, ТУРШЛАГА/-ыг бүгдийг нь хангасан төрийн жинхэнэ албан хаагч бүртгүүлэх боломжтой. 

Сонгон шалгаруулалтанд өрсөлдөх албан хаагчдын материалыг ОӨУБЕГ-ын Тамгын газрын байрны 109 тоот өрөөнд 2016 оны 12 дугаар сарын 05-ны өдрийн 09.00-12.00, 13.00-17.00 цагийн хооронд хүлээн авна.

Гурав. Сонгон шалгаруулалтад орохыг хүссэн албан хаагч дор дурдсан материалыг бүрдүүлэн өөрийн биеэр ирж бүртгүүлнэ.

• Төрийн албан хаагчийн анкет /маягт №1/;

• Төрийн жинхэнэ албан хаагчийн тангарагийн хуудас, хуулбар;

• Боловсролын түвшинг тодорхойлсон баримт бичиг /диплом/-ийг нотариатаар гэрчлүүлсэн байх;

• Мэргэшүүлсэн сургалтад хамрагдсан бол гэрчлэх баримт бичгийн хуулбар;

• Иргэний үнэмлэх, хуулбар;

• Ажилласан жилийг тооцох Хөдөлмөрийн болон нийгмийн даатгалын дэвтрийн эхний нүүр хуудсыг хөдөлмөрийн үйл ажиллагааны хөдөлгөөнийг баталгаажуулсан бусад хуудасны хуулбар;

• 4x3-ийн хэмжээтэй 2 хувь цээж зураг /1% анкет дээр наагдсан байх/;

Дээрх баримт бичгийг дутуу бүрдүүлсэн төрийн жинхэнэ албан хаагчийг

бүртгэхгүй болохыг анхаарна уу!!!!!!!

Тавигдах шаардлагыг энд дарж үзнэ үү

Сул орон тооны зарыг энд дарж үзнэ үү

 

Оюуны өмч, улсын бүртгэлийн ерөнхий газар

2016 он