Тус газраас  Их дээд сургуулийн оюутан, залууст оюуны өмч, улсын  бүртгэлийн үйл ажиллагаа, холбогдох хууль тогтоомжийг таниулах, сурталчлах зорилгоор энэ сарын 29-ний өдөр сургалт зохион байгуулав. 

Энэ үеэр тус газрын холбогдох мэргэжилтнүүд оюуны өмч, улсын бүртгэлийн байгууллагын үндсэн чиг үүрэг, зорилго зорилтоос гадна иргэн, эд хөрөнгө, хуулийн этгээдийн үйлчилгээний талаар дэлгэрэнгүй мэдээлэл, нэгдсэн ойлголт өгсөн юм. Сургалтын дараа тэд Улсын бүртгэлийн төв архивын газрын үйл ажиллагаатай танилцаж, сонирхсон зүйлээ асууж тодрууллаа. Оюутнуудын зүгээс бүртгэлийн байгууллагын үйл ажиллагаа хийгээд Монгол Улсын иргэнийхээ хувьд улсын бүртгэлийн талаар тодорхой мэдлэг, мэдээлэл олж авсандаа талархалтай хандаж, бидэнд хэрэгтэй чухал сургалт боллоо гэцгээж байв.

Хууль зүйн салбарын “Нээлттэй бодлогын баримт бичиг”-ийг хэрэгжүүлэх хүрээнд зохион байгуулсан тус сургалтанд Шихи-хутаг дээд сургуулийн Эрх зүйн III-р дамжааны 30 гаруй оюутан, залуус хамрагдлаа.