Тус газрын Эд хөрөнгийн эрхийн бүртгэлийн газар, Хүний нөөц, сургалтын хэлтсээс хамтран зохион байгуулсан “Эд хөрөнгийн эрхийн улсын бүртгэлийн тулгамдсан асуудал, барьцааны гэрээний бүртгэл, e-PRS програмын өөрчлөлт” сэдэвт хэлэлцүүлэг өнөөдөр боллоо.

 Тус хэлэлцүүлгээр “Үл хөдлөх эд хөрөнгийн эрх зүйн зохицуулалт, тулгамдаж буй асуудал, Эд хөрөнгийн эрхийн бүртгэлийг эрхлэн хөтлөхөд гарч буй нийтлэг зөрчил, алдаа, эрх зүйн маргаан, цаашид анхаарах асуудал, e-PRS програмын өөрчлөлт зэрэг сэдвээр холбогдох албаны хүмүүс сургалт, мэдээлэл хийлээ. Мөн энэ үеэр оролцогчид эд хөрөнгийн эрхийн бүртгэлийн өнөөгийн байдал, тулгамдаж буй асуудлаар санал солилцож, хэлэлцүүлэг өрнүүлсэн юм.

Эд хөрөнгийн эрхийн улсын бүртгэлийг хөтлөхөд хууль эрх зүйн нэгдсэн ойлголтгүй, шийдвэрлэхэд бэрхшээлтэй байгаа асуудлаар эрх зүйн болон практик мэдээллийг эд хөрөнгийн эрхийн улсын бүртгэгч нарт олгох зорилго бүхий тус хэлэлцүүлэгт нийт 90 гаруй албан хаагч, холбогдох хүмүүс оролцов.