Улсын бүртгэлийн байгууллага үүсч хөгжсөний 76 жилийн ой “Улсын бүртгэлийн ажилтны өдөр” энэ сарын 23-ны өдөр тохионо. Энэхүү өдрийг тохиолдуулан төв, нийслэл, дүүргүүдийн бүртгэлийн хэлтсийн дунд сагсан бөмбөг, гар бөмбөгийн аварга шалгаруулах нөхөрсөг тэмцээнийг энэ амралтын өдрүүдэд зохион байгууллаа. 

 Спорт тэмцээнийг ОӨУБЕГ-ын дарга Р.Содхүү нээж тамирчдад амжилт хүссэн. 

Нийтийн биеийн тамирыг хөгжүүлэх, албан хаагчдын чөлөөт цагийг зөв зохистой, үр бүтээлтэй өнгөрүүлэх, хамт олонч нөхөрсөг уур амьсгалыг бүрдүүлэх зорилго бүхий тус спортын төрөлд  эрэгтэй, эмэгтэй нийт 16 багийн 120 гаруй тамирчид оролцож хурд, хүч авхаалж самбаагаа сорьсон юм. 

Ингээд сагсан бөмбөгийн эрэгтэйчүүдийн төрөлд Хуулийн этгээд+Улсын бүртгэлийн төв архивын газрын “Старс” баг алтан медаль, Нийслэл+Сүхбаатар+Баянзүрх+Багануур дүүргийн хамтарсан “SBNB-76” баг мөнгөн медаль, хүрэл медалийг Сонгинохайран+Хан-Уул +Багахангай дүүргийн  “Бүртгэл” баг  тус тус хүртлээ. 

Сагсан бөмбөгийн эмэгтэйчүүдийн төрөлд Мэдээлэл технолого+ Хяналт+Зохиогчийн эрх+Аж үйлдвэрийн эрхийн газрын хамтарсан “Dream Team” баг алтан медаль, мөнгөн медалийг Баянгол+Чингэлтэй +Налайх дүүргийн хамтарсан “Харцага” баг, Хүрэл медалийг Тамгын газар+Хяналт, шинжилгээ үнэлгээ дотоод аудитын газрын “Соёмбо” баг шалгарч медалийн эзэд болсон.  

   Харин Гар бөмбөгийн эрэгтэйчүүдийн төрөлд “Старс” баг алтан медаль, “Харцага” баг мөнгөн медаль, “Соёмбо” баг хүрэл медалийн эзэд болсон. Эмэгтэйчүүдийн төрөлд “SBNB-76” баг алтан медаль, “Соёмбо” баг мөнгөн медаль, “Харцага” баг хүрэл медалийн эзнээр тодорлоо. 

 “Улсын бүртгэлийн ажилтны өдөр”-ийг угтсан спортын нөхөрсөг тэмцээнд амжилттай оролцсон баг, тамирчид, нийт албан хаагчдад цаашдын ажилд нь амжилт хүсье.