Сум, дүүргийн ИТХ-ын сонгууль энэ сарын 19-ны өдөр болно. Үүнтэй холбогдуулж тус газраас сонгуулийн үеэр ажиллах орон нутгийн бүртгэлийн байгууллагын албан хаагч, итгэмжлэгдсэн ажилтнуудад мэдээллийн технологи болон эрх зүйн сургалтыг 10 дугаар сарын 08-13-ны өдрүүдэд зохион байгууллаа. 

Монгол Улсын сонгуулийн тухай хуулийг хэрэгжүүлэхтэй холбогдуулан сонгуулийн бэлтгэл, бүртгэлийн хууль тогтоомжийн хэрэгжилтийг ханган ажиллах зорилго бүхий тус сургалтаар орон нутгийн сонгуулийн холбогдох хууль тогтоомж, тоног төхөөрөмж болон программын талаар танилцуулга, мэдээлэл хийв. Мөн аймгийн улсын бүртгэлийн хэлтсийн үйл ажиллагаатай танилцахаас гадна итгэмжлэгдсэн ажилтнуудад сонгогчийн нэрийн жагсаалтыг хэвлэж аймгийн сонгуулийн хороонд хүлээлгэн өгөх, бүртгэлийн төхөөрөмжийн аюулгүй байдлыг хангах, хүлээлцэх, сонгогчийн бүртгэлийг үнэн зөв байдлын хангах, тоног төхөөрөмжтэй  ажиллах чиглэлээр дадлага эзэмшүүлсэн юм. Итгэмжлэгдсан ажилтнуудын дээрх сургалтыг мөн энэ сарын 15, 16-ны өдрүүдэд нийслэл, дүүргийн улсын бүртгэлийн байгууллагын албан хаагч нарт зохион байгууллаа.