Оюуны өмч, улсын бүртгэлийн ерөнхий газрын удирдлагууд өнөөдөр энэхүү албанд залуу нас, мэдлэг боловсрол, авъяас чадвараа харамгүй зориулсан ахмад буурлуудаа хүлээн авч уулзан, хүндэтгэл үзүүллээ.

Энэ үеэр ОӨУБЕГ-ын дарга Р.Содхүү тус салбарт хийж хэрэгжүүлэх ажлын талаар ахмадуудад товч танилцуулж, тус газрын үйл ажиллагааг өргөжүүлэн хөгжүүлэхэд ахмадуудын хэлсэн үнэтэй санал, зөвлөгөө чухал болохыг онцолж мэндчилгээ дэвшүүлээд эрүүл энх байж, урт удаан наслахыг ерөөгөөд гарын бэлэг гардууллаа. 

Ахмадуудын зүгээс жил бүр уламжлал болгон хүлээж авдагт талархаж явдагаа илэрхийлээд залуу хойч үеийн залгамж халаа болсон та бүхэнтэйгээ хамт хөгжил дэвшил, сайн сайхны төлөөр хүчин зүтгэхдээ таатай байх болно гэдгээ уламжилсан юм.

Уулзалтад тус газрын дэд дарга С.Дэлгэрсайхан, Тамгын газрын дарга Б.Бадамцэцэг, Хяналт-шинжилгээ, үнэлгээ, дотоод аудитын газрын дарга Т.Гаттөмөр, Хүний нөөц, сургалтын хэлтсийн дарга Т.Ганжаргал, Санхүү, аж, ахуйн хэлтсийн дарга Ч.Хүрэлбаатар болон бүртгэлийн салбарт ажиллаж хөдөлмөрлөж явсан азай буурлууд уригдан оролцов.