Улсын бүртгэлийн ерөнхий газар болон Дүүргийн улсын бүртгэлийн хэлтсийн албан хаагчид өнөөдөр /2023.07.07/ УБЕГ-ын даргын 2023 оны 01 дүгээр сарын 10-ны өдрийн “Төрийн захиргааны албан хаагчдыг тангараг өргүүлэх тухай” Б/64 дүгээр тушаалаар Төрийн жинхэнэ албан хаагчийн тангараг өргөлөө.
Төрийн захиргааны албан хаагчийн тангараг өргөх ёслолд УБЕГ-ын болон Нийслэлийн Улсын бүртгэлийн газар, хэлтсийн дарга нар оролцов.
Тангараг өргөх ёслолыг хааж УБЕГ-ын Тамгын газрын дарга Г.Цолмон “Төрийн жинхэнэ албан хаагчийн нэр төрийг өргөж, ёс зүйн хэм хэмжээг өндөрт өргөж яваарай. Өнөөдрөөс та бүхэн Төрийн жинхэнэ албан хаагч боллоо” гэж хэлэн, тангараг өргөсөн төрийн захиргааны албан хаагчдад баяр хүргэснээр үйл ажиллагаа өндөрлөв.
УБЕГ-ын Хамтын ажиллагаа, сургалтын хэлтэс
