“Ажил, мэргэжлийн уралдаан”-д ХУД дэх Улсын бүртгэлийн хэлтэс тэргүүллээ

A- A A+
“Ажил, мэргэжлийн уралдаан”-д ХУД дэх Улсын бүртгэлийн хэлтэс тэргүүллээ

Улсын бүртгэлийн байгууллага үүсэж хөгжсөний түүхт 80-н жилийн ойг угтан Хан-Уул дүүрэг дэх Улсын бүртгэлийн хэлтсээс өнөөдөр /2020.10.30/ нийслэлийн улсын бүртгэгч нарын дунд “Ажил, мэргэжлийн уралдаан”-ыг амжилттай зохион байгууллаа.

Уралдаанд нийслэлийн 9 дүүрэг дэх улсын бүртгэлийн хэлтсийн 6 баг оролцож, гурван төрөлд өрсөлдсөн юм. Үүнд, багийн мэндчилгээ, хууль, эрх зүйн асуулт, хариулт болон гэрийн даалгавар болох “Улсын бүртгэлийн ерөнхий хуулийн хэрэгжилт ба бодит амьдрал” сэдвийн дор ур чадвар, мэдлэг, авхаалж самбаагаа уралдуулав.

Уг арга хэмжээг УБЕГ-ын Хяналт шалгалтын газрын хяналтын улсын ахлах байцаагч Ч.Эрдэнэчимэг, Хамтын ажиллагаа, сургалтын хэлтсийн ахлах мэргэжилтэн Л.Өнөртуяа, НУБГ-ын Захиргаа, удирдлагын хэлтсийн дарга Б.Байгалмаа, “Отгонтэнгэр” их сургуулийн Нийтлэг эрх зүйн тэнхимийн эрхлэгч С.Эрдэнэболор нар шүүж, аваргуудыг тодруулав.

Ингээд “Ажил, мэргэжлийн уралдаан”-д ХУД дэх Улсын бүртгэлийн хэлтсийн "Зөрчилгүй дайчид" баг тэргүүн байр эзэлж, СБД дэх Улсын бүртгэлийн хэлтсийн "Соёлын довтолгоо" баг удаалсан бол гутгаар байранд БЗД дэх Улсын бүртгэлийн хэлтсийн "Баянзүрх-Нэг зүрх" баг шалгарав.

Улсын бүртгэлийн байгууллага үүсэж хөгжсөний 80 жилийн ой, мөн Улсын бүртгэлийн байгууллагын ажилтны өдөр ирэх 11 дүгээр сарын 23-ны өдөр тохиох юм. Түүхт өдрийг тохиолдуулан Улсын бүртгэлийн ерөнхий газар болон орон нутаг дахь улсын бүртгэлийн нэгжээс аян, тэмцээн, уралдаан зэрэг ажлуудыг зохион байгуулан ажиллаж байна.

 

  

УБЕГ-ын Хамтын ажиллагаа, сургалтын хэлтэс