Иргэдээс санал хүсэлт, гомдол мэдээлэл авч, ажил үйлчилгээндээ тусгах зорилгоор тус газар “Гомдол мэдээлэл, санал хүсэлт”-ийн хайрцаг ажиллуулж эхлээд байна. Санал хүсэлтийн хайрцаг манай харъяа газрын тус тусын байранд байрлаж байгаа тул үйлчлүүлэх зуураа та бүхэн Улсын бүртгэлийн ерөнхий газрын дарга, удирдлагууд, ажилтан, албан хаагчдад хэлэх үгээ тус хайрцагт үлдээх боломж ийнхүү нээлттэй боллоо. Үүнээс гадна манай бүртгэлийн лавлах 1890 дугаарын утсанд хандаарай. Бид та бүхний санал, хүсэлт, шүүмжлэлийг хүлээн авч аль болох чирэгдэлгүй түргэн хугацаанд асуудлыг зохих журмын дагуу шийдвэрлэж ажиллах болно.

Техник, технологийн хөгжлийн нөлөөгөөр мэдээллийн хэрэгслийн цоо шинэ боломжууд төрөн гарч байгаа энэ үед Улсын бүртгэлийн ерөнхий газрын Мэдээлэл, технологийн газраас бүртгэлийн байгууллагын үйл ажиллагаа, үйлчилгээг иргэд олон нийтэд нээлттэй, чирэгдэлгүй хүргэх, тэдний санал бодлыг сонсох, мэдээлэл өгөх зорилго бүхий www.registrationmongolia.com сайтыг шинээр нээн ажиллуулж эхлээд байна. Иймд та бүхэн манай энэхүү сайтад өнөөдрөөс эхлэн зочилж иргэний бүртгэлийн үйлчилгээ, болон бусад асуудлаар санал сэтгэгдэл хүсэлт, мэдээллээ үлдээх боломж нээлттэй.

Монгол Улсын төрийн албаны тухай хуулийн 12 дугаар зүйлийн 12.1 дэх хэсэг, Монгол Улсын Ерөнхийлөгчийн 1995 оны 109 дүгээр зарлигаар баталсан “Төрийн захиргааны албан хаагчийн тангараг өргөх ёслолын журам”, Засгийн газрын агентлагийн эрх зүйн байдлын тухай хуулийн 8.4 дэх хэсэгт заасны дагуу тус газрын 43 албан хаагч энэ сарын 9-ний өдөр ёслол хүндэтгэлтэйгээр Төрийн захиргааны албан хаагчийн тангарагаа өргөлөө. “Эх орон, ард түмнийхээ төлөө эрдэм чадлаа зориулж, төрийн хууль, ёс зүйн хэм хэмжээг чанд сахиж албан үүргээ үнэнч шударгаар биелүүлэхээ тангараглая.

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт