Улсын Их Хурлын 2018 оны хаврын ээлжит чуулганы өнөөдрийн (2018.06.21) нэгдсэн хуралдаанаар Улсын бүртгэлийн ерөнхий хуулийн шинэчилсэн найруулгын төсөл болон хамт өргөн мэдүүлсэн бусад хуулийн төслүүдийн эцсийн хэлэлцүүлгийг хийж баталлаа. Засгийн газраас 2018 оны 05 дугаар сарын 04-ний өдөр өргөн мэдүүлсэн Улсын бүртгэлийн ерөнхий хуулийн шинэчилсэн найруулгын төсөл болон холбогдох бусад хуулийн төслүүдийн анхны хэлэлцүүлгийг 05 дугаар сарын 31-ний өдрийн чуулганы нэгдсэн хуралдаанаараа хэлэлцэж, эцсийн хэлэлцүүлэгт бэлтгүүлэхээр Хууль зүйн байнгын хороонд шилжүүлсэн. Хуулийн төслүүдийг эцсийн хэлэлцүүлэгт бэлтгэсэн талаарх Хууль зүйн байнгын хорооны танилцуулгыг Улсын Их Хурлын гишүүн Л.Мөнхбаатар хийсэн юм.

Улсын бүртгэлийн ерөнхий газрын албан хаагчдын сургалтын нэгдсэн хөтөлбөр, 2018 оны сургалтын төлөвлөгөөний дагуу бүртгэлийн цахим системийн шинэчлэл, түүнийг нэвтрүүлэх бэлтгэл ажлыг хангах зорилгоор төв, нийслэл, орон нутгийн эд хөрөнгийн эрхийн улсын бүртгэгч нарт 2018 оны 06 сарын 14-ний өдөр онлайнаар сургалт зохион байгууллаа. Сургалтад 21 аймаг, нийслэл, дүүргүүдийн эд хөрөнгийн эрхийн улсын бүртгэгч нар хамрагдав. 

 

Улсын бүртгэлийн ерөнхий газрын албан хаагчдын сургалтын нэгдсэн хөтөлбөр, 2018 оны сургалтын төлөвлөгөөний дагуу албан хаагчдад Төрийн албаны тухай хуулийн шинэчилсэн найруулгыг танилцуулах, мэдээлэл өгөх зорилгоор 2018 оны 06 сарын 14-нд танхимын болон онлайн сургалтыг  Хууль зүйн үндэсний хүрээлэнгийн Хууль зүй, мэдээлэл сургалт сурталчилгааны төвийн эрхлэгч А.Түвшинтулгатай хамтран зохион байгууллаа. Сургалтад УБЕГ-ын хяналтын улсын ахлах байцаагч, ахлах мэргэжилтэн, улсын ахлагч бүртгэгч, 21 аймаг, Нийслэлийн Улсын бүртгэлийн газар, 9 дүүргийн хэлтсийн дарга оролцов. Сургалтаар 2019 оны 01 сарын 01-ний өдрөөс эхлэн мөрдөх Төрийн албаны тухай хуулийн шинэчилсэн найруулгын талаар танилцууллаа.

 

Хэл сонгох

Хайлт

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn