Иргэний баримтын төв архив энэ сарын 15-ныг хүртэл үргэлжүүлэн 24 цагаар ажиллахаар боллоо

User Rating: 0 / 5

Star InactiveStar InactiveStar InactiveStar InactiveStar Inactive
 

Тус газрын Иргэний баримтын төв архив Иргэний шинэчилсэн бүртгэл эхэлсэнтэй холбоотойгоор 7 дугаар сарын 5-ны өдрөөс эхлэн 22.00 цаг хүртэл уртасгасан цагаар хүн хүчээ нэмэгдүүлэн ажиллаж байгаа билээ.

Гэсэн хэдий ч төрсний гэрчилгээгээ үрэгдүүлсэн, гэмтээсэн, баримт бичгийн зөрчилтэй лавлагаа авах гэсэн иргэдийн дараалал эрс нэмэгдэж, иргэд шөнийн цагаар оочер, дугаар авах болсон. Иргэдийн ачааллыг багасгах зорилгоор 9 дүгээр сарын 20-ны өдрөөс эхлэн 24 цагаар буюу 2 ээлжээр иргэдэд үйлчилж эхэлсэн юм. 11 дүгээр сарын 1-нийг хүртэл энэ байдлаар ажиллах байсан боловч өнөөдрийн байдлаар архиваас төрсний гэрчилгээний лавлагаа авах гэсэн иргэдийн хөл тасрахгүй хэвээр байна. Иймд дахин 11 дүгээр сарын 15-ны өдрийг хүртэл үргэлжлүүлэн 24 цагаар 2 ээлжээр ажиллаж эхлээд байна.