Иргэний бүртгэл, паспорт-хяналтын нэгдсэн сүлжээ төсөл /хэрэгжүүлсэн төсөл /

“Иргэний бүртгэл, паспорт хяналтын нэгдсэн сүлжээ төсөл”-ийг Засгийн газрын 2005 оны 65 дугаар тогтоолын дагуу 2 үе шаттайгаар хэрэгжүүлэв. Төслийн эхний шатанд Хил хамгаалах ерөнхий газар, Тагнуулын ерөнхий газар, Цагдаагийн ерөнхий газар, Гадаадын иргэн, харъяатын асуудал эрхлэх алба, Иргэний бүртгэл, мэдээллийн улсын төвийг сүлжээний шилэн кабелиар, Дорноговь аймгийн Замын-Үүд, Сэлэнгэ аймгийн Сүхбаатар, Алтанбулаг, “Чингис хаан” олон улсын нисэх буудлын “Буянт-Ухаа” дахь хилийн шалган нэвтрүүлэх боомтыг сансрын холбооны “Висат” системийг ашиглан холбосон бол төслийн хоёр дахь шатанд байнгын ажиллагаатай хилийн шалган нэвтрүүлэх 20 боомтыг улсын бүртгэлийн мэдээллийн сантай холбох ажлыг хийж гүйцэтгэв. “Иргэний бүртгэл, паспорт хяналтын нэгдсэн сүлжээ төсөл”-ийг хэрэгжүүлсэнээр дээрх байгууллагууд, олон улсын болон байнгын ажиллагаатай хилийн боомтууд хооронд орчин үеийн өндөр хурдтай техник, технологи бүхий мэдээллийн нэгдсэн сүлжээ байгуулагдаж, Монгол Улсын хилээр орж, гарч байгаа иргэдийг бүртгэх, хяналт тавих, шалган нэвтрүүлэх, мэдээлэл солилцоог шуурхай болгох, үндэсний аюулгүй байдлыг хангахад чухал ач холбогдол бүхий сүлжээ бий болсон.

 

 

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт