Чингэлтэй дүүргийн Улсын бүртгэлийн хэлтэс “дүүргийн онцлох ажил”-ын батламж гардан авлаа


Чингэлтэй дүүрэг үүсэн байгуулагдсаны 25 жилийн ойг тохиолдуулан дүүргийн түүх, бүтээн байгуулалт, хөгжил дэвшлийн түүчээг иргэддээ сурталчлан таниулж, “Шинэ цагийн нийслэл”-ийн хөгжилд Чингэлтэйчүүдийн оруулах хувь нэмрийг тодотгож, эрүүл чийрэг, эрдэм боловсролтой хүүхэд, залуучуудыг дэмжин, иргэдтэйгээ ойр ажиллаж байгаа төрийн байгууллагуудын онцлох ажлыг шалгаруулав. 

Говьсүмбэр аймаг дахь төрийн аудитын газраас итгэмжлэл гардан авлаа


“Төрийн аудитын тухай хууль”-ийн 18 дугаар зүйлийн 18.4 дэхь хэсэг, Монгол Улсын Ерөнхий аудиторын 2015 оны 240 дүгээр тушаалаар баталсан “Санхүүгийн тайлангийн аудитад итгэл үзүүлэхэд баримтлах журам”-ын шаардлагыг хангасан Говьсүмбэр аймгийн Улсын бүртгэлийн хэлтсийн 2017 оны санхүүгийн тайланд итгэл үзүүллээ. Говьсүмбэр аймаг дахь Төрийн аудитын газрын дарга, тэргүүлэх аудитор Б.Сарантуяа "ИТГЭМЖЛЭЛ" гардуулав.

Баянхонгор аймгийн Улсын бүртгэлийн хэлтэс Монгол Улсын Ерөнхий аудиторын “ИТГЭМЖЛЭЛ” гардан авлаа


Баянхонгор аймгийн Улсын бүртгэлийн хэлтэс нь сүүлийн 3 жилийн санхүүгийн тайлангийн аудитаар “Зөрчилгүй” санал дүгнэлт авч, 2017 оны санхүүгийн тайланд итгэл үзүүлсэн тухай Монгол Улсын Ерөнхий аудиторын “ИТГЭМЖЛЭЛ”-ийг Аймгийн Аудитын газрын ерөнхий аудитор Б.Мөнхбатаас 2018 оны 1 дүгээр сарын 23-ны өдөр гардан авлаа.

Баянхонгор аймгийн Улсын бүртгэлийн хэлтсийн албан хаагчид сургалтад хамрагдав


Баянхонгор аймгийн Улсын бүртгэлийн хэлтсийн албан хаагчдад зориулсан 2018 оны анхны нэгдсэн сургалт семинарийг 01 сарын 3, 4-ний өдрүүдэд зохион байгууллаа. Сургалтаар Аймгийн Прокурорын газраас Эрүүгийн болон Зөрчлийн тухай хууль, Гэмт хэргээс урьдчилан сэргийлэх тухай хуулиудаар мэдээлэл өгөв. Мөн тус хэлтсийн тасгийн дарга болон хяналтын байцаагч нар тус тусын бэлтгэсэн сэдвүүдээр сургалт хийж, нийт албан хаагчдаас тестийн шалгалт авлаа.

Завхан аймгийн Улсын бүртгэлийн хэлтсээс сумдынхаа бүртгэгчидтэй цахим хурал хийв


Завхан аймгийн Улсын бүртгэлийн хэлтсээс  сумдынхаа 23 Улсын бүртгэгчтэй цахим хурал хийлээ. Хуралд хэлтсийн дарга болон иргэн, эд хөрөнгийн тасгийн дарга, нягтлан бодогч нар оролцож, зөрчлийн тухай хуулийг иргэдэд сурталчлах ажлыг зохион байгуулах, хугацаатай мэдээ тайланг хоцроохгүй байх, эд хөрөнгийн бүртгэлийн материал бүрдүүлэлт, үнэт цаас, цаг ашиглалтад анхаарч ажиллахыг сануулж,  хууль журмын дагуу бүртгэл хийх тухай анхааруулга зөвлөмжийг өглөө.

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт