Гэрт нь очиж, шинэ төрсөн хүүхдүүдийг бүртгэв

Чингэлтэй дүүрэг 2018 оныг “Өрхийн хөгжлийг дэмжих” жил болгон зарласантай холбогдуулан тус дүүргийн Улсын бүртгэлийн хэлтсээс “Нэг иргэний бүртгэлээр-Өрхийн хөгжлийг дэмжих“ зорилтыг дэвшүүлэн ажиллаж байна. Уг ажлын хүрээнд хүндрэлтэй төрсөн Х.Ундармаагийн шинэ хүүхэд Жамц, ар гэрээс нь ирж бүртгүүлэх хүнгүй төрсөн Д.Номин-Эрдэнийн шинэ хүүхэд Амилуун нарын төрөлтийг гэрээр очиж бүртгэлээ.

Чингэлтэй дүүргийн Улсын бүртгэлийн хэлтсээс албан хаагч нартаа зохион байгууллаа


Чингэлтэй дүүргийн Улсын бүртгэлийн хэлтсээс нийт албан хаагч нартаа Төрийн албаны тухай хуулийн 19 дүгээр зүйл, Төсвийн тухай хуулийн 40 дүгээр зүйл, Төрийн албаны зөвлөлийн 2012 оны 134 тогтоол “Үр дүнгийн гэрээний журам”, ажлын байрны тодорхойлолтын талаар 2018 оны 01 дүгээр сарын 23-ны өдөр Төрийн албаны зөвлөлийн ахлах мэргэжилтэн Н.Энхцэцэгтэй хамтран сургалт зохион байгуулав. Сургалтад төрийн захиргааны 20 албан хаагч хамрагдлаа.

Булган аймгийн Улсын бүртгэлийн хэлтэс Хяналт-шинжилгээ, үнэлгээгээр 3 дугаар байр эзэллээ


Булган аймгийн Улсын бүртгэлийн хэлтсээс төрийн захиргааны байгууллагын үйл ажиллагааг бэхжүүлж, иргэдэд хүргэх төрийн үйлчилгээний чанар, хүртээмжийг нэмэгдүүлэн, үр нөлөөг нь дээшлүүлэхээр удирдлага, зохион байгуулалтын арга хэмжээ авч амжилттай хэрэгжүүллээ.  Уг ажлаараа аймгийн Засаг даргын Тамгын газрын 2017 оны үйл ажиллагааны Хяналт-шинжилгээ, үнэлгээгээр 3 дугаар байр эзэллээ.

Баянхонгор аймгийн Улсын бүртгэлийн хэлтэс ахмадууддаа хүндэтгэл үзүүллээ


Баянхонгор аймгийн Улсын бүртгэлийн хэлтсээс XVII жарны “Тийн унжлагат” хэмээх шороон Нохой жилийн сар шинийн баярыг тохиолдуулан  Улсын бүртгэлийн байгууллагад залуу нас, мэдлэг боловсрол, авьяас чадвараа харамгүй зориулж явсан ахмад буурлуудаа хүлээн авч уулзан хүндэтгэл үзүүллээ.

Чингэлтэй дүүргийн Улсын бүртгэлийн хэтсээс дүүргийн хөдөлмөрийн аварга тодорлоо


Чингэлтэй дүүргийн улсын бүртгэлийн хэлтэс нь дүүргийн 2017 оны үндсэн чиглэлийн биелэлт,  хэлтсийн үйл ажиллагааны төлөвлөгөөний хэрэгжилт, Дүүргийн Засаг даргатай байгуулсан үйл ажиллагааны гэрээний биелэлт, Дүүргийн 25 жилийн ойн хүрээнд санаачлан хэрэгжүүлсэн бүтээлч ажлууд, эрхэлсэн ажлаа олон нийтэд оновчтой хүртээмжтэй, шуурхай зохион байгуулж, төрийн өмнө хуулиар хүлээсэн үүргээ амжилттай хэрэгжүүлснийг өндрөөр үнэлж, дүүргийн удирдлагуудаас хэлтсийн дарга М.Ганчимэгийг Дүүргийн 2017 оны “Хөдөлмөрийн аварга” -аар шагнав.

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт