Хүүхэд багачуудыг баярлуулав /Баянгол дүүрэг/

Previous Next

Олон улсын хүүхдийн эрхийг хамгаалах өдрийг тохиолдуулан албан байгууллага, аж ахуй нэгжүүд ажилтан албан хаагчдынхаа энхрий хөөрхөн үрс, хүүхэд, багачуудыг баярлуулдаг уламжлалтай. Тэгвэл энэ хүрээнд Баянгол дүүргийн бүртгэлийн хэлтсийн хамт олон өнөөдөр Хөгжлийн бэрхшээлтэй, бүтэн өнчин 23 хүүхдэд сэтгэлийн дэм өгч баярлуулж, Өргөө кино театрт кино үзүүлж, гарын бэлэг гардуулаа. Мөн энэ үеэр авъяаслаг хүүхэд багачууд хүрэлцэн ирсэн зочид, төлөөлөгч ах, эгч нартаа зориулан өөрсдийн үндэсний урлагийн тоглолтоо сонирхуулж бэлэг барьсан юм.

Ажлын арга барил, туршлага солилцох “Үзүүлэх сургалт” болов /Хан-Уул дүүрэг/

Previous Next

Хан-Уул дүүргийн иргэний бүртгэлийн тасгийн үйл ажиллагаа, ажлын арга барил, тэргүүн туршлагыг нийслэлийн бүртгэлийн дүүргүүдийн бүртгэлийн хэлтсийн албан хаагчдад танилцуулах, харилцан туршлага солилцох зорилго бүхий “Үзүүлэх сургалт” өнгөрөгч Баасан гарагт Хан-Уул дүүргийн Иргэдийн Төлөөлөгчдийн Хурлын танхимд боллоо. Сургалтын эхэнд тус дүүргийн Бүртгэлийн хэлтсийн дарга Д.Бат-Очир дүүргийн Иргэдийн төлөөлөгчдийн хурал, Засаг даргын Тамгын газартай хамтран ажиллаж байгааг болон сургалтын зорилго, онцлогуудын талаар танилцуулсан бол Иргэний бүртгэлийн тасгийн дарга Д. Оюунтуяа 2013, 2014 онуудад хийсэн бүтээлч шинэлэг ажил, тасгийн үйл ажиллагаа, ажлын арга барилын талаар танилцуулга, мэдээлэл хийсэн юм. Үүний дараа сургалтанд оролцогчид хөтөлбөрийн дагуу тус дүүргийн алслагдсан хороо болох 13, онлайн системд холбогдсон 16 дугаар хорооны ажлын алба болон бүртгэлийн үйл ажиллагаанаас гадна эд хөрөнгийн эрхийн бүртгэлийн архивын үйл ажиллагаа, бүртгэлийн өрөө танхимтай танилцаж туршлага хуваалцав.

Улсын бүртгэлийн бүрдүүлэх баримтын гар утасны програм гаргалаа /Дархан-Уул аймаг/

Дархан-Уул аймгийн Улсын бүртгэлийн хэлтэс төрийн үйлчилгээг хөнгөн шуурхай хүргэх, иргэдийн цаг завыг хэмнэх зорилгоор иргэдэд зориулж анх удаа андройд үйлдлийн системтэй гар утсанд суурилсан "Ulsiin burtgel" хэрэглээний програм хангамжийг гаргалаа. Энэ нь аймгийн төрийн байгууллагуудаас анхны бие даан гаргасан гар утасны програм болж байгаагаараа ихээхэн онцлогтой. Тус програм нь андройд үйлдлийн системтэй бүх төрлийн гар утсанд суулгаж болох бөгөөд иргэний, эд хөрөнгийн, хуулийн этгээдийн улсын бүртгэлийн үйлчилгээ, үнэ хураамжтай холбоотой өөрт хэрэгтэй бүхий л мэдээллээ өөрийн ухаалаг утаснаас интернэтгүй орчинд шууд үзэж, танилцах бүрэн боломжтой юм.

“Хөдөлгөөн-эрүүл мэнд-урт наслалт” сэдэвт арга хэмжээ болов /Булган аймаг/

Булган аймгийн соёл, спорт, аялал, жуулчлалын газар болон Эрүүл мэндийн газраас зохион байгуулсан “ХӨДӨЛГӨӨН-ЭРҮҮЛ МЭНД-УРТ НАСЛАЛТ” сэдэвт өглөөний гимнастикийн нээлтийн үйл ажиллагаа өнөөдөр боллоо. Уг арга хэмжээ Булган сумын Цогт хун тайжийн талбайд болсон бөгөөд тус сумын иргэд, ахмадууд, төрийн болон төрийн бус байгууллагаас гадна Бүртгэлийн хэлтсийн нийт албан хаагчид идэвхитэй оролцлоо.

Нээлттэй өдөрлөг зохион байгуулав /Баянхонгор аймаг/

Монгол Улсын Хууль Зүйн сайдын 2014 оны 1/1210 албан даалгаварын хүрээнд Баянхонгор аймгийн Засаг даргын Тамгын газар төрийн үйлчилгээг иргэд, олон нийтэд шуурхай хүргэх, үйл ажиллагааг танилцуулж сурталчлах зорилгоор Хууль зүйн хэлтэс болон хууль сахиулах тусгайлсан чиг үүрэгтэй байгууллагуудыг хамруулсан “Нээлттэй өдөрлөг”-ийг энэ оны 5 дугаар сарын 19-ны өдөр зохион байгууллаа. Энэ үеэр аймгийн бүртгэлийн хэлтэс иргэдэд улсын бүртгэлийн бүх төрлийн үйлчилгээ үзүүлэхээс гадна зорилтот бүлгийн 48 иргэнд иргэний болон эд хөрөнгийн түүхчилсэн лавлагаа гаргаж өгч үйлчлэв.

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт