Шинэ програм нэвтрүүллээ /Дархан-Уул аймаг/

Дархан-Уул аймгийн Улсын бүртгэлийн хэлтэс иргэдэд бүртгэлийн үйлчилгээг ойртуулах, шуурхай хүргэх зорилгоор өөрсдийн нөөц бололцоонд тулгуурлан хэд хэдэн програмыг нэвтрүүлээд байгаа билээ. Тэгвэл энэ удаад албан хаагчдынхаа ажлын цаг зав, гар ажиллагааг хөнгөвчлөх “Шийтгэвэр 2.0 програм”-ыг дотооддоо хийн ашиглаж эхэллээ.

Завхан аймгийн Улсын бүртгэлийн хэлтэс бүртгэлийн гэрчилгээг бэлэн болсон тухайг мессеж хэлбэрээр хүргэж эхэллээ /Завхан аймаг/

Тус хэлтэс мессэж хүргэх SMS caster програмын үйлчилгээг шинээр нэвтрүүллээ. Энэхүү програм нь цахим үнэмлэх, гадаад паспорт, үл хөдлөх эд хөрөнгийн бүртгэлийн гэрчилгээ, хуулийн этгээдийн бүртгэлийн гэрчилгээ зэргийг цаг тухай бүрт нь бэлэн болсон тухай мессэжийг гар утсанд тань илгээн үйлчилж байна. Төрийн үйлчилгээг иргэдэд хүртээмжтэй хүргэх зорилтын хүрээнд ийнхүү мессежний үйлчилгээг нэвтрүүлсэн нь иргэдийн цаг завийг хэмнэхийн зэрэгцээ талархал хүлээсэн үйлчилгээ болоод байна.

Киргиз улсын төлөөлөгчид Хан-Уул дүүргийн бүртгэлийн хэлтэст ажиллав /Хан-уул дүүрэг/

Previous Next

БНКирУ-ын Засгийн газрын дэргэдэх Улсын бүртгэлийн албаны даргаШаикова Алина Кавылбековна, Сонгууль, бүх нийтийн санал асуулгын Ерөнхий хорооны гишүүн Ашимов Нурмамат, ЕТГ-ын Бүс нутгийн хөгжил, тээвэр, барилга, холбооны хэлтсийн дарга Орозов Талайбек Саратанбекович нарын төлөөлөгчид 2014 оны 6 дугаар сарын 10-ны өдөр Хан-Уул дүүргийн бүртгэлийн хэлтсийн иргэний шинэчилсэн бүртгэлийн процесстой танилцав. Төлөөлөгчид улсын бүртгэлийн байгууллагын нэгжид хийгдэж байгаа иргэний шинэчилсэн бүртгэл, цахим системийн үйл ажиллагаатай танилцан, ажлын арга туршлагыг судаллаа.

Хүүхэд багачуудыг баярлуулав /Баянгол дүүрэг/

Previous Next

Олон улсын хүүхдийн эрхийг хамгаалах өдрийг тохиолдуулан албан байгууллага, аж ахуй нэгжүүд ажилтан албан хаагчдынхаа энхрий хөөрхөн үрс, хүүхэд, багачуудыг баярлуулдаг уламжлалтай. Тэгвэл энэ хүрээнд Баянгол дүүргийн бүртгэлийн хэлтсийн хамт олон өнөөдөр Хөгжлийн бэрхшээлтэй, бүтэн өнчин 23 хүүхдэд сэтгэлийн дэм өгч баярлуулж, Өргөө кино театрт кино үзүүлж, гарын бэлэг гардуулаа. Мөн энэ үеэр авъяаслаг хүүхэд багачууд хүрэлцэн ирсэн зочид, төлөөлөгч ах, эгч нартаа зориулан өөрсдийн үндэсний урлагийн тоглолтоо сонирхуулж бэлэг барьсан юм.

Ажлын арга барил, туршлага солилцох “Үзүүлэх сургалт” болов /Хан-Уул дүүрэг/

Previous Next

Хан-Уул дүүргийн иргэний бүртгэлийн тасгийн үйл ажиллагаа, ажлын арга барил, тэргүүн туршлагыг нийслэлийн бүртгэлийн дүүргүүдийн бүртгэлийн хэлтсийн албан хаагчдад танилцуулах, харилцан туршлага солилцох зорилго бүхий “Үзүүлэх сургалт” өнгөрөгч Баасан гарагт Хан-Уул дүүргийн Иргэдийн Төлөөлөгчдийн Хурлын танхимд боллоо. Сургалтын эхэнд тус дүүргийн Бүртгэлийн хэлтсийн дарга Д.Бат-Очир дүүргийн Иргэдийн төлөөлөгчдийн хурал, Засаг даргын Тамгын газартай хамтран ажиллаж байгааг болон сургалтын зорилго, онцлогуудын талаар танилцуулсан бол Иргэний бүртгэлийн тасгийн дарга Д. Оюунтуяа 2013, 2014 онуудад хийсэн бүтээлч шинэлэг ажил, тасгийн үйл ажиллагаа, ажлын арга барилын талаар танилцуулга, мэдээлэл хийсэн юм. Үүний дараа сургалтанд оролцогчид хөтөлбөрийн дагуу тус дүүргийн алслагдсан хороо болох 13, онлайн системд холбогдсон 16 дугаар хорооны ажлын алба болон бүртгэлийн үйл ажиллагаанаас гадна эд хөрөнгийн эрхийн бүртгэлийн архивын үйл ажиллагаа, бүртгэлийн өрөө танхимтай танилцаж туршлага хуваалцав.

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт