"НЭЭЛТТЭЙ ХААЛГАНЫ ӨДӨР" ЗОХИОН БАЙГУУЛЛАА

Баянхонгор аймгийн Улсын бүртгэлийн хэлтэс, аймгийн Иргэдийн төлөөлөгчдийн хурал,  Хууль зүй, дотоод хэргийн яамны харьяа орон нутаг дахь хуулийн байгууллагууд хамтран Нутгийн удирдлагын байгууллага үүсэн байгуулагдсаны 20 жилийн ой, Монголын хуульчдын өдрийг угтан “Нээлттэй хаалганы өдөр”-ийг 2017 оны 07 дугаар сарын 03-ны өдөр зохион байгууллаа.

 Энэ үеэр иргэдэд эрх зүйн шинэчлэлийн хүрээнд шинэчлэгдэн батлагдсан “Эрүүгийн хууль”, “Зөрчлийн тухай хууль”, Шүүхийн шийдвэр гүйцэтгэх тухай хууль”, “Захиргааны ерөнхий хууль” зэрэг олон хуулиудийг сурталчлан таниулах ажиллагаа, мөн байгууллага бүр өөр өөрийн чиг үүргийн дагуу иргэдэд холбогдох зөвлөгөө мэдээллийг өгч ажиллав. Тус арга хэмжээний үеэр аймгийн улсын бүртгэлийн хэлтсээс иргэн, хуулийн этгээд, эд хөрөнгийн бүртгэлийн чиглэлээр нийт 50 гаруй иргэдэд зөвлөгөө, мэдээлэл өгч, гарын авлага боршур тараахын зэрэгцээ 6 иргэнд цахим үнэмлэх, 14 иргэнд гадаад паспорт, 3 иргэнд үл хөдлөх эд хөрөнгийн гэрчилгээ олголтын үйлчилгээг үзүүллээ. 

 

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт